१२. अपगतसुत्तवण्णना

२०१. द्वादसमे अहङ्कारममङ्कारमानापगतन्ति अहंकारतो च ममंकारतो च मानतो च अपगतं. विधा समतिक्कन्तन्ति मानकोट्ठासे सुट्ठु अतिक्कन्तं. सन्तं सुविमुत्तन्ति किलेसवूपसमेन सन्तं, किलेसेहेव सुट्ठु विमुत्तं. सेसं उत्तानमेवाति. द्वादसमं.

दुतियो वग्गो.

द्वीसुपि असेक्खभूमि कथिता. पठमो पनेत्थ आयाचन्तस्स देसितो, दुतियो अनायाचन्तस्स. सकलेपि पन राहुलसंयुत्ते थेरस्स विमुत्तिपरिपाचनीयधम्माव कथिताति.

राहुलसंयुत्तवण्णना निट्ठिता.