४-९. मातुसुत्तादिवण्णना

१३७-१४२. चतुत्थादीसु लिङ्गनियमेन चेव चक्कवाळनियमेन च अत्थो वेदितब्बो. पुरिसानञ्हि मातुगामकालो, मातुगामानञ्च पुरिसकालोति एवमेत्थ लिङ्गनियमो. इमम्हा चक्कवाळा सत्ता परचक्कवाळं, परचक्कवाळा च इमं चक्कवाळं संसरन्ति. तेसु इमस्मिं चक्कवाळे मातुगामकाले मातुभूतञ्ञेव दस्सेन्तो यो नमाताभूतपुब्बोति आह. यो नपिताभूतपुब्बोतिआदीसुपि एसेव नयो. चतुत्थादीनि.