१०. पुग्गलसुत्तवण्णना

१३३. दसमे अट्ठिकङ्कलोतिआदीनि तीणिपि रासिवेवचनानेव. इमेसं पन सत्तानं सअट्ठिकालतो अनट्ठिकालोव बहुतरो. गण्डुप्पादकादिपाणभूतानञ्हि एतेसं अट्ठिमेव नत्थि, मच्छकच्छपादिभूतानं पन अट्ठिमेव बहुतरं, तस्मा अनट्ठिकालञ्च बहुअट्ठिकालञ्च अग्गहेत्वा समट्ठिकालोव गहेतब्बो. उत्तरो गिज्झकूटस्साति गिज्झकूटस्स उत्तरपस्से ठितो. मगधानं गिरिब्बजेति मगधरट्ठस्स गिरिब्बजे, गिरिपरिक्खेपे ठितोति अत्थो. सेसं सब्बत्थ उत्तानमेवाति. दसमं.

पठमो वग्गो.