८-१२. अस्सद्धमूलकसुत्तादिवण्णना

१०२-१०६. अट्ठमादीनि तेयेव अस्सद्धादिधम्मे तिकवसेन कत्वा देसितानि. तत्थ अट्ठमे अस्सद्धादिमूलका कण्हपक्खसुक्कपक्खवसेन पञ्च तिका वुत्ता, नवमे अहिरिकमूलका चत्तारो. दसमे अनोत्तप्पमूलका तयो, एकादसमे अप्पस्सुतमूलका द्वे, द्वादसमे कुसीतमूलको एको तिको वुत्तोति सब्बेपि पञ्चसु सुत्तन्तेसु पन्नरस तिका होन्ति. पन्नरस चेते सुत्तन्तातिपि वदन्ति. अयं तिकपेय्यालो नाम. अट्ठमादीनि.

दुतियो वग्गो.