४. बिलङ्गीकसुत्तवण्णना

१९०. चतुत्थे बिलङ्गिकभारद्वाजोति भारद्वाजोव सो, नानप्पकारं पन सुद्धञ्च सम्भारयुत्तञ्च कञ्जिकं कारेत्वा विक्किणापेन्तो बहुधनं सङ्खरीति ‘‘बिलङ्गिकभारद्वाजो’’ति तस्स सङ्गीतिकारेहि नामं गहितं. तुण्हीभूतोति ‘‘तयो मे जेट्ठकभातरो इमिना पब्बाजिता’’ति अतिविय कुद्धो किञ्चि वत्तुं असक्कोन्तो तुण्हीभूतो अट्ठासि. गाथा पन देवतासंयुत्ते कथिताव. चतुत्थं.