६. मल्लिकासुत्तवण्णना

१२७. छट्ठे उपसङ्कमीति मल्लिकाय देविया गब्भवुट्ठानकाले सूतिघरं पटिजग्गापेत्वा आरक्खं दत्वा उपसङ्कमि. अनत्तमनो अहोसीति, ‘‘दुग्गतकुलस्स मे धीतु महन्तं इस्सरियं दिन्नं, सचे पुत्तं अलभिस्स, महन्तं सक्कारं अधिगमिस्स, ततो दानि परिहीना’’ति अनत्तमनो अहोसि. सेय्याति दन्धपञ्ञस्मा एलमूगपुत्ततो एकच्चा इत्थीयेव सेय्या. पोसाति पोसेहि. जनाधिपाति जनाधिभुं राजानं आलपति. सस्सुदेवाति सस्सुससुरदेवता. दिसम्पतीति दिसाजेट्ठका. तादिसा सुभगियाति तादिसाय सुभरियाय. छट्ठं.