१०. पज्जोतसुत्तवण्णना

८०. दसमे पज्जोतोति पदीपो विय होति. जागरोति जागरब्राह्मणो विय होति. गावो कम्मे सजीवानन्ति कम्मेन सह जीवन्तानं गावोव कम्मे कम्मसहाया कम्मदुतियका नाम होन्ति. गोमण्डलेहि सद्धिं कसिकम्मादीनि निप्फज्जन्ति. सीतस्स इरियापथोति सीतं अस्स सत्तकायस्स इरियापथो जीवितवुत्ति. सीतन्ति नङ्गलं. यस्स हि नङ्गलेहि खेत्तं अप्पमत्तकम्पि कट्ठं न होति, सो कथं जीविस्सतीति वदति. दसमं.