८. सुसम्मुट्ठसुत्तवण्णना

८. अट्ठमे सुसम्मुट्ठाति पञ्ञाय अप्पटिविद्धभावेनेव सुनट्ठा. यथा हि द्वे खेत्तानि कसित्वा, एकं वपित्वा, बहुधञ्ञं अधिगतस्स अवापितखेत्ततो अलद्धं सन्धाय ‘‘बहुं मे धञ्ञं नट्ठ’’न्ति वदन्तो अलद्धमेव ‘‘नट्ठ’’न्ति वदति, एवमिधापि अप्पटिविदिताव सुसम्मुट्ठा नाम. असम्मुट्ठाति पञ्ञाय पटिविद्धभावेनेव अनट्ठा. सेसं पुरिमसदिसमेवाति.

सुसम्मुट्ठसुत्तवण्णना निट्ठिता.