२. आनन्दभद्देकरत्तसुत्तवण्णना

२७६. एवं मे सुतन्ति आनन्दभद्देकरत्तसुत्तं. तत्थ पटिसल्लाना वुट्ठितोति फलसमापत्तितो वुट्ठितो. को नु खो, भिक्खवेति जानन्तोव कथासमुट्ठापनत्थं पुच्छि.

२७८. साधु साधूति थेरस्स साधुकारमदासि. साधु खो त्वन्ति परिमण्डलेहि पदब्यञ्जनेहि परिसुद्धेहि कथितत्ता देसनं पसंसन्तो आह. सेसं सब्बत्थ उत्तानमेवाति.

पपञ्चसूदनिया मज्झिमनिकायट्ठकथाय

आनन्दभद्देकरत्तसुत्तवण्णना निट्ठिता.