९. आसेवनपच्चयकथावण्णना

९०३-९०५. इदानि आसेवनपच्चयकथा नाम होति. तत्थ यस्मा सब्बे धम्मा खणिका, न कोचि मुहुत्तम्पि ठत्वा आसेवनपच्चयं आसेवति नाम. तस्मा नत्थि किञ्चि आसेवनपच्चयता. आसेवनपच्चयताय उप्पन्नं पन न किञ्चि अत्थीति येसं लद्धि, सेय्यथापि तेसञ्ञेव; ते सन्धाय पुच्छा सकवादिस्स, पटिञ्ञा इतरस्स. अथ नं सुत्तवसेनेव पञ्ञापेतुं ननु वुत्तं भगवता पाणातिपातोतिआदि आभतं. तं सब्बं उत्तानत्थमेवाति.

आसेवनपच्चयकथावण्णना.