२. अविवित्तकथावण्णना

८७९-८८०. इदानि अविवित्तकथा नाम होति. तत्थ यस्स पुग्गलस्स यो धम्मो पच्चुप्पन्नो, सो तेन अविवित्तो नामाति इदं सकसमये सन्निट्ठानं. यस्मा पन पुथुज्जनेन तेधातुका धम्मा अपरिञ्ञाता, तस्मा सो एकक्खणेयेव सब्बेहिपि तेधातुकेहि धम्मेहि अविवित्तोति येसं लद्धि, सेय्यथापि तेसञ्ञेव, ते सन्धाय पुच्छा सकवादिस्स, पटिञ्ञा इतरस्स. फस्सेहीतिआदि सब्बेसं फस्सादीनं एकक्खणे पवत्तिदोसदस्सनत्थं वुत्तं. सेसं सब्बत्थ उत्तानत्थमेवाति.

अविवित्तकथावण्णना.