६. कुसलकथावण्णना

८४४-८४६. इदानि कुसलकथा नाम होति. तत्थ अनवज्जम्पि कुसलं इट्ठपाकम्पि. अनवज्जं नाम किलेसविप्पयुत्तं. अयं नयो ठपेत्वा अकुसलं सब्बधम्मे भजति. इट्ठविपाकं नाम आयतिं उपपत्तिपवत्तेसु इट्ठफलनिप्फादकं पुञ्ञं. अयं नयो कुसलत्तिके आदिपदमेव भजति. येसं पन इमं विभागं अग्गहेत्वा अनवज्जभावमत्तेनेव निब्बानं कुसलन्ति लद्धि, सेय्यथापि अन्धकानं, तेसं इट्ठविपाकट्ठेन निब्बानस्स कुसलताभावं दीपेतुं पुच्छा सकवादिस्स, अत्तनो लद्धिवसेन पटिञ्ञा इतरस्स. सेसमिधापि हेट्ठा वुत्तनयत्ता उत्तानत्थमेवाति.

कुसलकथावण्णना.