८. अब्याकतकथावण्णना

७०६-७०८. इदानि अब्याकतकथा नाम होति. तत्थ विपाककिरियरूपनिब्बानसङ्खातं चतुब्बिधं अब्याकतं अविपाकत्ता अब्याकतन्ति वुत्तं. दिट्ठिगतं ‘‘सस्सतो लोकोति खो, वच्छ, अब्याकतमेत’’न्ति (सं. नि. ४.४१६ थोकं विसदिसं) सस्सतादिभावेन अकथितत्ता. येसं पन इमं विभागं अग्गहेत्वा पुरिमाब्याकतं विय दिट्ठिगतम्पि अब्याकतन्ति लद्धि, सेय्यथापि अन्धकानञ्चेव उत्तरापथकानञ्च; तेसं तं विभागं दस्सेतुं दिट्ठिगतं अब्याकतन्ति पुच्छा सकवादिस्स, पटिञ्ञा इतरस्स. सेसमेत्थ यथापाळिमेव निय्यातीति.

अब्याकतकथावण्णना.