६. परियुट्ठानं चित्तविप्पयुत्तन्तिकथावण्णना

७०२. इदानि परियुट्ठानं चित्तविप्पयुत्तन्तिकथा नाम होति. तत्थ यस्मा अनिच्चादितो मनसिकरोतोपि रागादयो उप्पज्जन्ति. वुत्तम्पि चेतं – ‘‘अप्पेकदा, भो भारद्वाज, असुभतो मनसिकरिस्सामीति सुभतोव मनसिकरोती’’ति (सं. नि. ४.१२७). तस्मा परियुट्ठानं चित्तविप्पयुत्तन्ति येसं लद्धि, सेय्यथापि अन्धकानंयेव; ते सन्धाय पुच्छा सकवादिस्स, पटिञ्ञा इतरस्स. सेसमेत्थ उत्तानत्थमेवाति.

परियुट्ठानं चित्तविप्पयुत्तन्तिकथावण्णना.