२. कुसलपटिलाभकथावण्णना

६५८-६५९. इदानि कुसलपटिलाभकथा नाम होति. तत्थ कप्पट्ठो सकसमये कामावचरकुसलमेव पटिलभति. येन पन तं उपपत्तिं पटिबाहेय्य, तं महग्गतं लोकुत्तरं वा न पटिलभति. येसं पन इमं विभागं अकत्वा अविसेसेनेव ‘‘सो कुसलचित्तं न पटिलभती’’ति लद्धि, सेय्यथापि उत्तरापथकानं; तेसं विभागदस्सनेन तं लद्धिं भिन्दितुं पुच्छा सकवादिस्स, पटिञ्ञा इतरस्स. सेसमेत्थ उत्तानत्थमेवाति.

कुसलपटिलाभकथावण्णना.