३-९. मरणस्सतिसुत्तद्वयादिवण्णना

७३-७९. ततिये भावेथ नोति भावेथ नु. सासनन्ति अनुसिट्ठि. आसवानं खयायाति अरहत्तफलत्थाय. चतुत्थे पतिहितायाति पटिपन्नाय. सो ममस्स अन्तरायोति सो मम जीवितन्तरायोपि, पुथुज्जनकालकिरियं करोन्तस्स सग्गन्तरायोपि मग्गन्तरायोपि अस्स. सत्थका वा मे वाताति सत्थं विय अङ्गमङ्गानि कन्तन्तीति सत्थका. पञ्चमादीनि वुत्तनयानेव. नवमे संसग्गारामताति पञ्चविधे संसग्गे आरामता.