१. पठमसम्मत्तनियामसुत्तवण्णना

१५१. चतुत्थस्स पठमे अभब्बो नियामं ओक्कमितुं कुसलेसु धम्मेसु सम्मत्तन्ति कुसलेसु धम्मेसु सम्मत्तभूतं मग्गनियामं ओक्कमितुं अभब्बो अभाजनं. कथं परिभोतीतिआदीसु ‘‘किं कथा नाम एसा’’ति वदन्तो कथं परिभोति नाम. ‘‘किं नामेस कथेति, किं अयं जानाती’’ति वदन्तो कथिकं परिभोति नाम. ‘‘मयं किं जानाम, कुतो अम्हाकं एतं सोतुं बल’’न्ति वदन्तो अत्तानं परिभोति नाम. विपरियायेन सुक्कपक्खो वेदितब्बो.