१०. चतुत्थअनागतभयसुत्तवण्णना

८०. दसमे कल्याणकामाति सुन्दरकामा. रसग्गानीति उत्तमरसानि. संसट्ठा विहरिस्सन्तीति पञ्चविधेन संसग्गेन संसट्ठा विहरिस्सन्ति. सन्निधिकारपरिभोगन्ति सन्निधिकतस्स परिभोगं. ओळारिकम्पि निमित्तन्ति एत्थ पथविं खणन्तोपि खणाहीति आणापेन्तोपि पथवियं ओळारिकं निमित्तं करोति नाम. तिणकट्ठसाखापलासं छिन्दन्तोपि छिन्दाति आणापेन्तोपि हरितग्गे ओळारिकं निमित्तं करोति नाम. आजीवत्थाय पण्णनिवापआदीनि गाहापेन्तो फलानि ओचिनन्ते वा ओचिनापेन्तेन वत्तब्बमेव नत्थि. इमेसु चतूसु सुत्तेसु सत्थारा सासने वुद्धिपरिहानि कथिताति.

योधाजीववग्गो ततियो.