४. दुतियखतसुत्तवण्णना

४. चतुत्थे मातरि पितरि चातिआदीसु मित्तविन्दको मातरि मिच्छापटिपन्नो नाम, अजातसत्तु पितरि मिच्छापटिपन्नो नाम, देवदत्तो तथागते मिच्छापटिपन्नो नाम, कोकालिको तथागतसावके मिच्छापटिपन्नो नाम. बहुञ्चाति बहुकमेव. पसवतीति पटिलभति. तायाति ताय मिच्छापटिपत्तिसङ्खाताय अधम्मचरियाय. पेच्चाति इतो गन्त्वा. अपायं गच्छतीति निरयादीसु अञ्ञतरस्मिं निब्बत्तति. सुक्कपक्खेपि एसेव नयो.