५. पच्चुप्पन्नानागतवारो

(क) अनुलोमं

४६७. (क) यो चक्खुन्द्रियं परिजानाति सो दोमनस्सिन्द्रियं पजहिस्सतीति? नो.

(ख) यो वा पन दोमनस्सिन्द्रियं पजहिस्सति सो चक्खुन्द्रियं परिजानातीति? नो.

(क) यो चक्खुन्द्रियं परिजानाति सो अनञ्ञातञ्ञस्सामीतिन्द्रियं भावेस्सतीति? नो.

(ख) यो वा पन अनञ्ञातञ्ञस्सामीतिन्द्रियं भावेस्सति सो चक्खुन्द्रियं परिजानातीति? नो.

(क) यो चक्खुन्द्रियं परिजानाति सो अञ्ञिन्द्रियं भावेस्सतीति? नो.

(ख) यो वा पन अञ्ञिन्द्रियं भावेस्सति सो चक्खुन्द्रियं परिजानातीति? नो.

(क) यो चक्खुन्द्रियं परिजानाति सो अञ्ञाताविन्द्रियं सच्छिकरिस्सतीति? आमन्ता.

(ख) यो वा पन अञ्ञाताविन्द्रियं सच्छिकरिस्सति सो चक्खुन्द्रियं परिजानातीति?

सत्त पुग्गला अञ्ञाताविन्द्रियं सच्छिकरिस्सन्ति, नो च चक्खुन्द्रियं परिजानन्ति. अग्गमग्गसमङ्गी अञ्ञाताविन्द्रियञ्च सच्छिकरिस्सति चक्खुन्द्रियञ्च परिजानाति. (चक्खुन्द्रियमूलकं)

४६८. (क) यो दोमनस्सिन्द्रियं पजहति सो अनञ्ञातञ्ञस्सामीतिन्द्रियं भावेस्सतीति? नो.

(ख) यो वा पन अनञ्ञातञ्ञस्सामीतिन्द्रियं भावेस्सति सो दोमनस्सिन्द्रियं पजहतीति? नो.

(क) यो दोमनस्सिन्द्रियं पजहति सो अञ्ञिन्द्रियं भावेस्सतीति? आमन्ता.

(ख) यो वा पन अञ्ञिन्द्रियं भावेस्सति सो दोमनस्सिन्द्रियं पजहतीति?

छ पुग्गला अञ्ञिन्द्रियं भावेस्सन्ति, नो च दोमनस्सिन्द्रियं पजहन्ति अनागामिमग्गसमङ्गि अञ्ञिन्द्रियञ्च भावेस्सन्ति, दोमनस्सिन्द्रियञ्च पजहन्ति.

(क) यो दोमनस्सिन्द्रियं पजहति सो अञ्ञाताविन्द्रियं सच्छिकरिस्सतीति? आमन्ता.

(ख) यो वा पन अञ्ञाताविन्द्रियं सच्छिकरिस्सति सो दोमनस्सिन्द्रियं पजहतीति?

सत्त पुग्गला अञ्ञाताविन्द्रियं सच्छिकरिस्सन्ति, नो च दोमनस्सिन्द्रियं पजहन्ति. अनागामिमग्गसमङ्गी अञ्ञाताविन्द्रियञ्च सच्छिकरिस्सति दोमनस्सिन्द्रियञ्च पजहति. (दोमनस्सिन्द्रियमूलकं)

४६९. (क) यो अनञ्ञातञ्ञस्सामीतिन्द्रियं भावेति सो अञ्ञिन्द्रियं भावेस्सतीति? आमन्ता.

(ख) यो वा पन अञ्ञिन्द्रियं भावेस्सति सो अनञ्ञातञ्ञस्सामीतिन्द्रियं भावेतीति?

छ पुग्गला अञ्ञिन्द्रियं भावेस्सन्ति, नो च अनञ्ञातञ्ञस्सामीतिन्द्रियं भावेन्ति. अट्ठमको अञ्ञिन्द्रियञ्च भावेस्सति अनञ्ञातञ्ञस्सामीतिन्द्रियञ्च भावेति.

(क) यो अनञ्ञातञ्ञस्सामीतिन्द्रियं भावेति सो अञ्ञाताविन्द्रियं सच्छिकरिस्सतीति? आमन्ता.

(ख) यो वा पन अञ्ञाताविन्द्रियं सच्छिकरिस्सति सो अनञ्ञातञ्ञस्सामीतिन्द्रियं भावेतीति?

सत्त पुग्गला अञ्ञाताविन्द्रियं सच्छिकरिस्सन्ति, नो च अनञ्ञातञ्ञस्सामीतिन्द्रियं भावेन्ति. अट्ठमको अञ्ञाताविन्द्रियञ्च सच्छिकरिस्सति अनञ्ञातञ्ञस्सामीतिन्द्रियञ्च भावेति. (अनञ्ञातञ्ञस्सामीतिन्द्रियमूलकं)

४७०. (क) यो अञ्ञिन्द्रियं भावेति सो अञ्ञाताविन्द्रियं सच्छिकरिस्सतीति? आमन्ता.

(ख) यो वा पन अञ्ञाताविन्द्रियं सच्छिकरिस्सति सो अञ्ञिन्द्रियं भावेतीति?

पञ्च पुग्गला अञ्ञाताविन्द्रियं सच्छिकरिस्सन्ति, नो च अञ्ञिन्द्रियं भावेन्ति. तयो मग्गसमङ्गिनो अञ्ञाताविन्द्रियञ्च सच्छिकरिस्सन्ति अञ्ञिन्द्रियञ्च भावेन्ति. (अञ्ञिन्द्रियमूलकं)

(ख) पच्चनीकं

४७१. (क) यो चक्खुन्द्रियं न परिजानाति सो दोमनस्सिन्द्रियं नप्पजहिस्सतीति?

पञ्च पुग्गला चक्खुन्द्रियं न परिजानन्ति, नो च दोमनस्सिन्द्रियं नप्पजहिस्सन्ति. चत्तारो पुग्गला चक्खुन्द्रियञ्च न परिजानन्ति दोमनस्सिन्द्रियञ्च नप्पजहिस्सन्ति.

(ख) यो वा पन दोमनस्सिन्द्रियं नप्पजहिस्सति सो चक्खुन्द्रियं न परिजानातीति?

अग्गमग्गसमङ्गी दोमनस्सिन्द्रियं नप्पजहिस्सति, नो च चक्खुन्द्रियं न परिजानाति. चत्तारो पुग्गला दोमनस्सिन्द्रियञ्च नप्पजहिस्सन्ति चक्खुन्द्रियञ्च न परिजानन्ति.

(क) यो चक्खुन्द्रियं न परिजानाति सो अनञ्ञातञ्ञस्सामीतिन्द्रियं न भावेस्सतीति?

ये पुथुज्जना मग्गं पटिलभिस्सन्ति ते चक्खुन्द्रियं न परिजानन्ति, नो च अनञ्ञातञ्ञस्सामीतिन्द्रियं न भावेस्सन्ति. अट्ठ पुग्गला चक्खुन्द्रियञ्च न परिजानन्ति अनञ्ञातञ्ञस्सामीतिन्द्रियञ्च न भावेस्सन्ति.

(ख) यो वा पन अनञ्ञातञ्ञस्सामीतिन्द्रियं न भावेस्सति सो चक्खुन्द्रियं न परिजानातीति?

अग्गमग्गसमङ्गी अनञ्ञातञ्ञस्सामीतिन्द्रियं न भावेस्सति, नो च चक्खुन्द्रियं न परिजानाति. अट्ठ पुग्गला अनञ्ञातञ्ञस्सामीतिन्द्रियञ्च न भावेस्सन्ति चक्खुन्द्रियञ्च न परिजानन्ति.

(क) यो चक्खुन्द्रियं न परिजानाति सो अञ्ञिन्द्रियं न भावेस्सतीति?

सत्त पुग्गला चक्खुन्द्रियं न परिजानन्ति, नो च अञ्ञिन्द्रियं न भावेस्सन्ति. द्वे पुग्गला चक्खुन्द्रियञ्च न परिजानन्ति अञ्ञिन्द्रियञ्च न भावेस्सन्ति.

(ख) यो वा पन अञ्ञिन्द्रियं न भावेस्सति सो चक्खुन्द्रियं न परिजानातीति?

अग्गमग्गसमङ्गी अञ्ञिन्द्रियं न भावेस्सति, नो च चक्खुन्द्रियं न परिजानाति. द्वे पुग्गला अञ्ञिन्द्रियञ्च न भावेस्सन्ति चक्खुन्द्रियञ्च न परिजानन्ति.

(क) यो चक्खुन्द्रियं न परिजानाति सो अञ्ञाताविन्द्रियं न सच्छिकरिस्सतीति?

सत्त पुग्गला चक्खुन्द्रियं न परिजानन्ति, नो च अञ्ञाताविन्द्रियं न सच्छिकरिस्सन्ति. द्वे पुग्गला चक्खुन्द्रियञ्च न परिजानन्ति अञ्ञाताविन्द्रियञ्च न सच्छिकरिस्सन्ति.

(ख) यो वा पन अञ्ञाताविन्द्रियं न सच्छिकरिस्सति सो चक्खुन्द्रियं न परिजानातीति? आमन्ता. (चक्खुन्द्रियमूलकं)

४७२. (क) यो दोमनस्सिन्द्रियं नप्पजहति सो अनञ्ञातञ्ञस्सामीतिन्द्रियं न भावेस्सतीति?

ये पुथुज्जना मग्गं पटिलभिस्सन्ति ते दोमनस्सिन्द्रियं नप्पजहन्ति, नो च अनञ्ञातञ्ञस्सामीतिन्द्रियं न भावेस्सन्ति. अट्ठ पुग्गला दोमनस्सिन्द्रियञ्च नप्पजहन्ति अनञ्ञातञ्ञस्सामीतिन्द्रियञ्च न भावेस्सन्ति.

(ख) यो वा पन अनञ्ञातञ्ञस्सामीतिन्द्रियं न भावेस्सति सो दोमनस्सिन्द्रियं नप्पजहतीति?

अनागामिमग्गसमङ्गी अनञ्ञातञ्ञस्सामीतिन्द्रियं न भावेस्सति, नो च दोमनस्सिन्द्रियं नप्पजहति. अट्ठ पुग्गला अनञ्ञातञ्ञस्सामीतिन्द्रियञ्च न भावेस्सन्ति दोमनस्सिन्द्रियञ्च नप्पजहन्ति.

(क) यो दोमनस्सिन्द्रियं नप्पजहति सो अञ्ञिन्द्रियं न भावेस्सतीति?

छ पुग्गला दोमनस्सिन्द्रियं नप्पजहन्ति, नो च अञ्ञिन्द्रियं न भावेस्सन्ति. तयो पुग्गला दोमनस्सिन्द्रियञ्च नप्पजहन्ति अञ्ञिन्द्रियञ्च न भावेस्सन्ति.

(ख) यो वा पन अञ्ञिन्द्रियं न भावेस्सति सो दोमनस्सिन्द्रियं नप्पजहतीति? आमन्ता.

(क) यो दोमनस्सिन्द्रियं नप्पजहति सो अञ्ञाताविन्द्रियं न सच्छिकरिस्सतीति?

सत्त पुग्गला दोमनस्सिन्द्रियं नप्पजहन्ति, नो च अञ्ञाताविन्द्रियं न सच्छिकरिस्सन्ति. द्वे पुग्गला दोमनस्सिन्द्रियञ्च नप्पजहन्ति अञ्ञाताविन्द्रियञ्च न सच्छिकरिस्सन्ति.

(ख) यो वा पन अञ्ञाताविन्द्रियं न सच्छिकरिस्सति सो दोमनस्सिन्द्रियं नप्पजहतीति? आमन्ता. (दोमनस्सिन्द्रियमूलकं)

४७३. (क) यो अनञ्ञातञ्ञस्सामीतिन्द्रियं न भावेति सो अञ्ञिन्द्रियं न भावेस्सतीति?

छ पुग्गला अनञ्ञातञ्ञस्सामीतिन्द्रियं न भावेन्ति, नो च अञ्ञिन्द्रियं न भावेस्सन्ति. तयो पुग्गला अनञ्ञातञ्ञस्सामीतिन्द्रियञ्च न भावेन्ति अञ्ञिन्द्रियञ्च न भावेस्सन्ति.

(ख) यो वा पन अञ्ञिन्द्रियं न भावेस्सति सो अनञ्ञातञ्ञस्सामीतिन्द्रियं न भावेतीति? आमन्ता.

(क) यो अनञ्ञातञ्ञस्सामीतिन्द्रियं न भावेति सो अञ्ञाताविन्द्रियं न सच्छिकरिस्सतीति?

सत्त पुग्गला अनञ्ञातञ्ञस्सामीतिन्द्रियं न भावेन्ति, नो च अञ्ञाताविन्द्रियं न सच्छिकरिस्सन्ति. द्वे पुग्गला अनञ्ञातञ्ञस्सामीतिन्द्रियञ्च न भावेन्ति अञ्ञाताविन्द्रियञ्च न सच्छिकरिस्सन्ति.

(ख) यो वा पन अञ्ञाताविन्द्रियं न सच्छिकरिस्सति सो अनञ्ञातञ्ञस्सामीतिन्द्रियं न भावेतीति? आमन्ता. (अनञ्ञातञ्ञस्सामीतिन्द्रियमूलकं)

४७४. (क) यो अञ्ञिन्द्रियं न भावेति सो अञ्ञाताविन्द्रियं न सच्छिकरिस्सतीति?

पञ्च पुग्गला अञ्ञिन्द्रियं न भावेन्ति, नो च अञ्ञाताविन्द्रियं न सच्छिकरिस्सन्ति. द्वे पुग्गला अञ्ञिन्द्रियञ्च न भावेन्ति अञ्ञाताविन्द्रियञ्च न सच्छिकरिस्सन्ति.

(ख) यो वा पन अञ्ञाताविन्द्रियं न सच्छिकरिस्सति सो अञ्ञिन्द्रियं न भावेतीति? आमन्ता. (अञ्ञिन्द्रियमूलकं)