(१) उप्पादनिरोधकालसम्भेदवारो

१०५. (क) यस्स यं चित्तं उप्पज्जति न निरुज्झति तस्स तं चित्तं निरुज्झिस्सति न उप्पज्जिस्सतीति? आमन्ता.

(ख) यस्स वा पन यं चित्तं निरुज्झिस्सति न उप्पज्जिस्सति तस्स तं चित्तं उप्पज्जति न निरुज्झतीति? आमन्ता.

(क) यस्स यं चित्तं न उप्पज्जति निरुज्झति तस्स तं चित्तं न निरुज्झिस्सति उप्पज्जिस्सतीति? नो.

(ख) यस्स वा पन यं चित्तं न निरुज्झिस्सति उप्पज्जिस्सति तस्स तं चित्तं न उप्पज्जति निरुज्झतीति? नत्थि.