२. पदसोधनमूलचक्कवारो
(क) अनुलोमं
१२. (क) चक्खु चक्खायतनन्ति?
दिब्बचक्खु पञ्ञाचक्खु चक्खु, न चक्खायतनं. चक्खायतनं चक्खु चेव चक्खायतनञ्च…पे….
(ख) आयतना सोतायतनन्ति?
सोतायतनं आयतनञ्चेव सोतायतनञ्च. अवसेसा आयतना न सोतायतनं.
चक्खु चक्खायतनन्ति?
दिब्बचक्खु पञ्ञाचक्खु चक्खु, न चक्खायतनं. चक्खायतनं चक्खु चेव चक्खायतनञ्च…पे….
आयतना घानायतनन्ति…पे… आयतना धम्मायतनन्ति?
धम्मायतनं आयतनञ्चेव धम्मायतनञ्च. अवसेसा आयतना न धम्मायतनं.
सोतं सोतायतनन्ति?…पे… अवसेसा आयतना न धम्मायतनं…पे….
धम्मो धम्मायतनन्ति?
धम्मायतनं ठपेत्वा अवसेसो धम्मो, न धम्मायतनं. धम्मायतनं धम्मो चेव धम्मायतनञ्च…पे….
आयतना चक्खायतनन्ति?
चक्खायतनं आयतनञ्चेव चक्खायतनञ्च. अवसेसा आयतना न चक्खायतनं.
धम्मो धम्मायतनन्ति?
धम्मायतनं ठपेत्वा अवसेसो धम्मो, न धम्मायतनं. धम्मायतनं धम्मो चेव धम्मायतनञ्च.
आयतना सोतायतनन्ति…पे… आयतना मनायतनन्ति?
मनायतनं आयतनञ्चेव मनायतनञ्च. अवसेसा आयतना न मनायतनं.
(एकेकपदमूलकं चक्कं बन्धितब्बं असम्मोहन्तेन).
(ख) पच्चनीकं
१३. (क) न चक्खु न चक्खायतनन्ति? आमन्ता.
(ख) नायतना न सोतायनन्ति? आमन्ता.
(क) न चक्खु न चक्खायतनन्ति? आमन्ता.
(ख) नायतना न घानायतनन्ति? आमन्ता.…पे….
नायतना न धम्मायतनन्ति? आमन्ता.
न सोतं न सोतायतनन्ति? आमन्ता.
नायतना न चक्खायतनं…पे… नायतना न धम्मायतनन्ति? आमन्ता.
न घानं न घानायतनं…पे… नायतना न धम्मायतनन्ति?
आमन्ता.…पे….
(क) न धम्मो न धम्मायतनन्ति? आमन्ता.
(ख) नायतना न चक्खायतनन्ति? आमन्ता.
न धम्मो न धम्मायतनन्ति? आमन्ता.
नायतना न सोतायतनं…पे… नायतना न मनायतनन्ति? आमन्ता.
(चक्कं बन्धन्तेन सब्बत्थ आमन्ताति कातब्बं).