६. अतीतानागतवारो

२५४. (क) यो चक्खायतनं परिजानित्थ सो सोतायतनं परिजानिस्सतीति? नो.

(ख) यो वा पन सोतायतनं परिजानिस्सति सो चक्खायतनं परिजानित्थाति? नो.

(क) यो चक्खायतनं न परिजानित्थ सो सोतायतनं न परिजानिस्सतीति?

ये मग्गं पटिलभिस्सन्ति ते चक्खायतनं न परिजानित्थ, नो च सोतायतनं न परिजानिस्सन्ति. अग्गमग्गसमङ्गी ये च पुथुज्जना मग्गं न पटिलभिस्सन्ति ते चक्खायतनञ्च न परिजानित्थ सोतायतनञ्च न परिजानिस्सन्ति.

(ख) यो वा पन सोतायतनं न परिजानिस्सति सो चक्खायतनं न परिजानित्थाति?

अरहा सोतायतनं न परिजानिस्सति, नो च चक्खायतनं न परिजानित्थ. अग्गमग्गसमङ्गी ये च पुथुज्जना मग्गं न पटिलभिस्सन्ति ते सोतायतनञ्च न परिजानिस्सन्ति चक्खायतनञ्च न परिजानित्थ.

परिञ्ञावारो.

आयतनयमकं निट्ठितं.

नमो तस्स भगवतो अरहतो सम्मासम्बुद्धस्स