४. पच्चुप्पन्नातीतवारो

२५२. (क) यो चक्खायतनं परिजानाति सो सोतायतनं परिजानित्थाति? नो.

(ख) यो वा पन सोतायतनं परिजानित्थ सो चक्खायतनं परिजानातीति? नो.

(क) यो चक्खायतनं न परिजानाति सो सोतायतनं न परिजानित्थाति?

अरहा चक्खायतनं न परिजानाति, नो च सोतायतनं न परिजानित्थ. अग्गमग्गसमङ्गिञ्च अरहन्तञ्च ठपेत्वा अवसेसा पुग्गला चक्खायतनञ्च न परिजानन्ति सोतायतनञ्च न परिजानित्थ.

(ख) यो वा पन सोतायतनं न परिजानित्थ सो चक्खायतनं न परिजानातीति?

अग्गमग्गसमङ्गी सोतायतनं न परिजानित्थ, नो च चक्खायतनं न परिजानाति. अग्गमग्गसमङ्गिञ्च अरहन्तञ्च ठपेत्वा अवसेसा पुग्गला सोतायतनञ्च न परिजानित्थ चक्खायतनञ्च न परिजानन्ति.