(४) पच्चुप्पन्नातीतवारो

(क) अनुलोमपुग्गलो

२२९. (क) यस्स चक्खायतनं उप्पज्जति तस्स सोतायतनं निरुज्झित्थाति? आमन्ता.

(ख) यस्स वा पन सोतायतनं निरुज्झित्थ तस्स चक्खायतनं उप्पज्जतीति?

सब्बेसं चवन्तानं अचक्खुकानं उपपज्जन्तानं तेसं सोतायतनं निरुज्झित्थ, नो च तेसं चक्खायतनं उप्पज्जति. सचक्खुकानं उपपज्जन्तानं तेसं सोतायतनञ्च निरुज्झित्थ चक्खायतनञ्च उप्पज्जति.

(यथा उप्पादवारे पच्चुप्पन्नातीता पुच्छा विभत्ता एवं उप्पादनिरोधेपि पच्चुप्पन्नातीता पुच्छा अनुलोमम्पि पच्चनीकम्पि विभजितब्बा [विभजितब्बं (सी स्या. क.)] ).