(५) पच्चुप्पन्नानागतवारो

(क) अनुलोमपुग्गलो

१६६. (क) यस्स चक्खायतनं निरुज्झति तस्स सोतायतनं निरुज्झिस्सतीति?

पञ्चवोकारे परिनिब्बन्तानं ये च अरूपं उपपज्जित्वा परिनिब्बायिस्सन्ति तेसं चवन्तानं तेसं चक्खायतनं निरुज्झति, नो च तेसं सोतायतनं निरुज्झिस्सति. इतरेसं सचक्खुकानं चवन्तानं तेसं चक्खायतनञ्च निरुज्झति सोतायतनञ्च निरुज्झिस्सति.

(ख) यस्स वा पन सोतायतनं निरुज्झिस्सति तस्स चक्खायतनं निरुज्झतीति?

सब्बेसं उपपज्जन्तानं अचक्खुकानं चवन्तानं तेसं सोतायतनं निरुज्झिस्सति, नो च तेसं चक्खायतनं निरुज्झति. सचक्खुकानं चवन्तानं तेसं सोतायतनञ्च निरुज्झिस्सति चक्खायतनञ्च निरुज्झति.

(क) यस्स चक्खायतनं निरुज्झति तस्स घानायतनं निरुज्झिस्सतीति?

पञ्चवोकारे परिनिब्बन्तानं ये च रूपावचरं अरूपावचरं उपपज्जित्वा परिनिब्बायिस्सन्ति तेसं चवन्तानं तेसं चक्खायतनं निरुज्झति, नो च तेसं घानायतनं निरुज्झिस्सति. इतरेसं सचक्खुकानं चवन्तानं तेसं चक्खायतनञ्च निरुज्झति घानायतनञ्च निरुज्झिस्सति.

(ख) यस्स वा पन घानायतनं…पे….

(क) यस्स चक्खायतनं निरुज्झति तस्स रूपायतनं निरुज्झिस्सतीति?

पञ्चवोकारे परिनिब्बन्तानं ये च अरूपं उपपज्जित्वा परिनिब्बायिस्सन्ति तेसं चवन्तानं तेसं चक्खायतनं निरुज्झति, नो च तेसं रूपायतनं निरुज्झिस्सति. इतरेसं सचक्खुकानं चवन्तानं तेसं चक्खायतनञ्च निरुज्झति रूपायतनञ्च निरुज्झिस्सति.

(ख) यस्स वा पन रूपायतनं…पे….

यस्स चक्खायतनं निरुज्झति तस्स मनायतनं…पे… धम्मायतनं निरुज्झिस्सतीति?

पञ्चवोकारे परिनिब्बन्तानं तेसं चक्खायतनं निरुज्झति, नो च तेसं धम्मायतनं निरुज्झिस्सति. इतरेसं सचक्खुकानं चवन्तानं तेसं चक्खायतनञ्च निरुज्झति धम्मायतनञ्च निरुज्झिस्सति.

यस्स वा पन धम्मायतनं निरुज्झिस्सति तस्स चक्खायतनं निरुज्झतीति?

सब्बेसं उपपज्जन्तानं अचक्खुकानं चवन्तानं तेसं…पे… सचक्खुकानं चवन्तानं तेसं…पे….

१६७. (क) यस्स घानायतनं निरुज्झति तस्स रूपायतनं निरुज्झिस्सतीति?

कामावचरे परिनिब्बन्तानं ये च अरूपं उपपज्जित्वा परिनिब्बायिस्सन्ति तेसं चवन्तानं तेसं घानायतनं निरुज्झति, नो च तेसं रूपायतनं निरुज्झिस्सति. इतरेसं सघानकानं चवन्तानं तेसं घानायतनञ्च निरुज्झति रूपायतनञ्च निरुज्झिस्सति.

(ख) यस्स वा पन रूपायतनं निरुज्झिस्सति तस्स घानायतनं निरुज्झतीति?

सब्बेसं उपपज्जन्तानं अघानकानं चवन्तानं तेसं रूपायतनं निरुज्झिस्सति, नो च तेसं घानायतनं निरुज्झति. सघानकानं चवन्तानं तेसं रूपायतनञ्च निरुज्झिस्सति घानायतनञ्च निरुज्झति.

यस्स घानायतनं निरुज्झति तस्स मनायतनं…पे… धम्मायतनं निरुज्झिस्सतीति?

कामावचरे परिनिब्बन्तानं तेसं घानायतनं निरुज्झति, नो च तेसं धम्मायतनं निरुज्झिस्सति. इतरेसं सघानकानं चवन्तानं तेसं घानायतनञ्च निरुज्झति धम्मायतनञ्च निरुज्झिस्सति.

यस्स वा पन धम्मायतनं…पे….

१६८. यस्स रूपायतनं निरुज्झति तस्स मनायतनं…पे… धम्मायतनं निरुज्झिस्सतीति?

पञ्चवोकारे परिनिब्बन्तानं तेसं रूपायतनं निरुज्झति, नो च तेसं धम्मायतनं निरुज्झिस्सति. इतरेसं सरूपकानं चवन्तानं तेसं रूपायतनञ्च निरुज्झति धम्मायतनञ्च निरुज्झिस्सति.

यस्स वा पन धम्मायतनं निरुज्झिस्सति तस्स रूपायतनं निरुज्झतीति?

सब्बेसं उपपज्जन्तानं अरूपकानं चवन्तानं तेसं धम्मायतनं निरुज्झिस्सति, नो च तेसं रूपायतनं निरुज्झति. सरूपकानं चवन्तानं तेसं धम्मायतनञ्च निरुज्झिस्सति रूपायतनञ्च निरुज्झति.

१६९. (क) यस्स मनायतनं निरुज्झति तस्स धम्मायतनं निरुज्झिस्सतीति?

परिनिब्बन्तानं तेसं मनायतनं निरुज्झति, नो च तेसं धम्मायतनं निरुज्झिस्सति. इतरेसं सचित्तकानं चवन्तानं तेसं मनायतनञ्च निरुज्झति धम्मायतनञ्च निरुज्झिस्सति.

(ख) यस्स वा पन धम्मायतनं निरुज्झिस्सति तस्स मनायतनं निरुज्झतीति?

सब्बेसं उपपज्जन्तानं अचित्तकानं चवन्तानं तेसं धम्मायतनं निरुज्झिस्सति, नो च तेसं मनायतनं निरुज्झति. सचित्तकानं चवन्तानं तेसं धम्मायतनञ्च निरुज्झिस्सति मनायतनञ्च निरुज्झति.

(ख) अनुलोमओकासो

१७०. यत्थ चक्खायतनं निरुज्झति…पे….

(ग) अनुलोमपुग्गलोकासा

१७१. (क) यस्स यत्थ चक्खायतनं निरुज्झति तस्स तत्थ सोतायतनं निरुज्झिस्सतीति?

पञ्चवोकारे परिनिब्बन्तानं तेसं तत्थ चक्खायतनं निरुज्झति, नो च तेसं तत्थ सोतायतनं निरुज्झिस्सति. इतरेसं सचक्खुकानं चवन्तानं तेसं तत्थ चक्खायतनञ्च निरुज्झति सोतायतनञ्च निरुज्झिस्सति.

(ख) यस्स वा पन यत्थ सोतायतनं निरुज्झिस्सति तस्स तत्थ चक्खायतनं निरुज्झतीति?

पञ्चवोकारं उपपज्जन्तानं अचक्खुकानं कामावचरा चवन्तानं तेसं तत्थ सोतायतनं निरुज्झिस्सति, नो च तेसं तत्थ चक्खायतनं निरुज्झति. सचक्खुकानं चवन्तानं तेसं तत्थ सोतायतनञ्च निरुज्झिस्सति चक्खायतनञ्च निरुज्झति.

(क) यस्स यत्थ चक्खायतनं निरुज्झति तस्स तत्थ घानायतनं निरुज्झिस्सतीति?

कामावचरे परिनिब्बन्तानं रूपावचरा चवन्तानं तेसं तत्थ चक्खायतनं निरुज्झति, नो च तेसं तत्थ घानायतनं निरुज्झिस्सति. इतरेसं सचक्खुकानं कामावचरा चवन्तानं तेसं तत्थ चक्खायतनञ्च निरुज्झति घानायतनञ्च निरुज्झिस्सति.

(ख) यस्स वा पन यत्थ घानायतनं…पे… (यथा पच्चुप्पन्नातीतेपि तिविधं वित्थारितं एवं इदम्पि वित्थारेतब्बं).

(क) यस्स यत्थ चक्खायतनं निरुज्झति तस्स तत्थ रूपायतनं निरुज्झिस्सतीति?

पञ्चवोकारे परिनिब्बन्तानं तेसं तत्थ चक्खायतनं निरुज्झति, नो च तेसं तत्थ रूपायतनं निरुज्झिस्सति. इतरेसं सचक्खुकानं चवन्तानं तेसं तत्थ चक्खायतनञ्च निरुज्झति रूपायतनञ्च निरुज्झिस्सति.

(ख) यस्स वा पन यत्थ रूपायतनं…पे….

(क) यस्स यत्थ चक्खायतनं निरुज्झति तस्स तत्थ मनायतनं निरुज्झिस्सतीति?

पञ्चवोकारे परिनिब्बन्तानं तेसं तत्थ चक्खायतनं निरुज्झति, नो च तेसं तत्थ मनायतनं निरुज्झिस्सति. इतरेसं सचक्खुकानं चवन्तानं तेसं तत्थ चक्खायतनञ्च निरुज्झति मनायतनञ्च निरुज्झिस्सति.

(ख) यस्स वा पन यत्थ मनायतनं…पे….

(क) यस्स यत्थ चक्खायतनं निरुज्झति तस्स तत्थ धम्मायतनं निरुज्झिस्सतीति?

पञ्चवोकारे परिनिब्बन्तानं तेसं तत्थ चक्खायतनं निरुज्झति, नो च तेसं तत्थ धम्मायतनं निरुज्झिस्सति. इतरेसं सचक्खुकानं चवन्तानं तेसं तत्थ चक्खायतनञ्च निरुज्झति धम्मायतनञ्च निरुज्झिस्सति.

(ख) यस्स वा पन यत्थ धम्मायतनं निरुज्झिस्सति तस्स तत्थ चक्खायतनं निरुज्झतीति?

सब्बेसं उपपज्जन्तानं अचक्खुकानं चवन्तानं तेसं तत्थ धम्मायतनं निरुज्झिस्सति, नो च तेसं तत्थ चक्खायतनं निरुज्झति. सचक्खुकानं चवन्तानं तेसं तत्थ धम्मायतनञ्च निरुज्झिस्सति चक्खायतनञ्च निरुज्झति. (चक्खायतनमूलकं)

१७२. (क) यस्स यत्थ घानायतनं निरुज्झति तस्स तत्थ रूपायतनं निरुज्झिस्सतीति?

कामावचरे परिनिब्बन्तानं तेसं तत्थ घानायतनं निरुज्झति, नो च तेसं तत्थ रूपायतनं निरुज्झिस्सति. इतरेसं सघानकानं चवन्तानं तेसं तत्थ घानायतनञ्च निरुज्झति रूपायतनञ्च निरुज्झिस्सति.

(ख) यस्स वा पन यत्थ रूपायतनं निरुज्झिस्सति तस्स तत्थ घानायतनं निरुज्झतीति? कामावचरे परिनिब्बान्तानं तेसं तत्थ…पे….

कामावचरं उपपज्जन्तानं अघानकानं कामावचरा चवन्तानं रूपावचरानं तेसं तत्थ…पे….

यस्स यत्थ घानायतनं निरुज्झति तस्स तत्थ मनायतनं…पे… धम्मायतनं निरुज्झिस्सतीति?

कामावचरे परिनिब्बन्तानं तेसं तत्थ घानायतनं निरुज्झति, नो च तेसं तत्थ धम्मायतनं निरुज्झिस्सति. इतरेसं सघानकानं चवन्तानं तेसं तत्थ घानायतनञ्च निरुज्झति धम्मायतनञ्च निरुज्झिस्सति.

यस्स वा पन यत्थ धम्मायतनं…पे….

१७३. (क) यस्स यत्थ रूपायतनं निरुज्झति तस्स तत्थ मनायतनं निरुज्झिस्सतीति?

पञ्चवोकारे परिनिब्बन्तानं असञ्ञसत्ता चवन्तानं तेसं तत्थ रूपायतनं निरुज्झति, नो च तेसं तत्थ मनायतनं निरुज्झिस्सति. इतरेसं पञ्चवोकारा चवन्तानं तेसं तत्थ रूपायतनञ्च निरुज्झति मनायतनञ्च निरुज्झिस्सति.

(ख) यस्स वा पन यत्थ मनायतनं…पे….

(क) यस्स यत्थ रूपायतनं निरुज्झति तस्स तत्थ धम्मायतनं निरुज्झिस्सतीति?

पञ्चवोकारे परिनिब्बन्तानं तेसं तत्थ रूपायतनं निरुज्झति, नो च तेसं तत्थ धम्मायतनं निरुज्झिस्सति. इतरेसं सरूपकानं चवन्तानं तेसं तत्थ रूपायतनञ्च निरुज्झति धम्मायतनञ्च निरुज्झिस्सति.

(ख) यस्स वा पन यत्थ धम्मायतनं निरुज्झिस्सति तस्स तत्थ रूपायतनं निरुज्झतीति?

सब्बेसं उपपज्जन्तानं अरूपकानं चवन्तानं तेसं तत्थ धम्मायतनं निरुज्झिस्सति, नो च तेसं तत्थ रूपायतनं निरुज्झति. सरूपकानं चवन्तानं तेसं तत्थ धम्मायतनञ्च निरुज्झिस्सति रूपायतनञ्च निरुज्झति.

१७४. (क) यस्स यत्थ मनायतनं निरुज्झति तस्स तत्थ धम्मायतनं निरुज्झिस्सतीति?

परिनिब्बन्तानं तेसं तत्थ मनायतनं निरुज्झति, नो च तेसं तत्थ धम्मायतनं निरुज्झिस्सति. इतरेसं सचित्तकानं चवन्तानं तेसं तत्थ मनायतनञ्च निरुज्झति धम्मायतनञ्च निरुज्झिस्सति.

(ख) यस्स वा पन यत्थ धम्मायतनं निरुज्झिस्सति तस्स तत्थ मनायतनं निरुज्झतीति?

सब्बेसं उपपज्जन्तानं अचित्तकानं चवन्तानं तेसं तत्थ धम्मायतनं निरुज्झिस्सति, नो च तेसं तत्थ मनायतनं निरुज्झति. सचित्तकानं चवन्तानं तेसं तत्थ धम्मायतनञ्च निरुज्झिस्सति मनायतनञ्च निरुज्झति.

(घ) पच्चनीकपुग्गलो

१७५. (क) यस्स चक्खायतनं न निरुज्झति तस्स सोतायतनं न निरुज्झिस्सतीति?

सब्बेसं उपपज्जन्तानं अचक्खुकानं चवन्तानं तेसं चक्खायतनं न निरुज्झति, नो च तेसं सोतायतनं न निरुज्झिस्सति. अरूपे पच्छिमभविकानं तेसं चक्खायतनञ्च न निरुज्झति सोतायतनञ्च न निरुज्झिस्सति.

(ख) यस्स वा पन सोतायतनं न निरुज्झिस्सति तस्स चक्खायतनं न निरुज्झतीति?

पञ्चवोकारे परिनिब्बन्तानं ये च अरूपं उपपज्जित्वा परिनिब्बायिस्सन्ति तेसं चवन्तानं तेसं सोतायतनं न निरुज्झिस्सति, नो च तेसं चक्खायतनं न निरुज्झति. अरूपे पच्छिमभविकानं तेसं सोतायतनञ्च न निरुज्झिस्सति चक्खायतनञ्च न निरुज्झति.

(क) यस्स चक्खायतनं न निरुज्झति तस्स घानायतनं न निरुज्झिस्सतीति?

सब्बेसं उपपज्जन्तानं अचक्खुकानं चवन्तानं तेसं चक्खायतनं न निरुज्झति, नो च तेसं घानायतनं न निरुज्झिस्सति. पच्छिमभविकानं रूपावचरं उपपज्जन्तानं अरूपे पच्छिमभविकानं तेसं चक्खायतनञ्च न निरुज्झति घानायतनञ्च न निरुज्झिस्सति.

(ख) यस्स वा पन घानायतनं न निरुज्झिस्सति तस्स चक्खायतनं न निरुज्झतीति?

पञ्चवोकारे परिनिब्बन्तानं ये च रूपावचरं अरूपावचरं उपपज्जित्वा परिनिब्बायिस्सन्ति तेसं चवन्तानं तेसं घानायतनं न निरुज्झिस्सति, नो च तेसं चक्खायतनं न निरुज्झति. पच्छिमभविकानं रूपावचरं उपपज्जन्तानं अरूपे पच्छिमभविकानं तेसं घानायतनञ्च न निरुज्झिस्सति चक्खायतनञ्च न निरुज्झति.

(क) यस्स चक्खायतनं न निरुज्झति तस्स रूपायतनं न निरुज्झिस्सतीति?

सब्बेसं उपपज्जन्तानं अचक्खुकानं चवन्तानं तेसं चक्खायतनं न निरुज्झति, नो च तेसं रूपायतनं न निरुज्झिस्सति. अरूपे पच्छिमभविकानं तेसं चक्खायतनञ्च न निरुज्झति रूपायतनञ्च न निरुज्झिस्सति.

(ख) यस्स वा पन रूपायतनं न निरुज्झिस्सति तस्स चक्खायतनं न निरुज्झतीति?

पञ्चवोकारे परिनिब्बन्तानं ये च अरूपं उपपज्जित्वा परिनिब्बायिस्सन्ति तेसं चवन्तानं तेसं रूपायतनं न निरुज्झिस्सति, नो च तेसं चक्खायतनं न निरुज्झति. अरूपे पच्छिमभविकानं तेसं रूपायतनञ्च न निरुज्झिस्सति चक्खायतनञ्च न निरुज्झति.

यस्स चक्खायतनं न निरुज्झति तस्स मनायतनं…पे… धम्मायतनं न निरुज्झिस्सतीति?

सब्बेसं उपपज्जन्तानं अचक्खुकानं चवन्तानं तेसं चक्खायतनं न निरुज्झति, नो च तेसं धम्मायतनं न निरुज्झिस्सति. अरूपे परिनिब्बन्तानं तेसं चक्खायतनञ्च न निरुज्झति धम्मायतनञ्च न निरुज्झिस्सति.

यस्स वा पन धम्मायतनं न निरुज्झिस्सति तस्स चक्खायतनं न निरुज्झतीति?

पञ्चवोकारे परिनिब्बन्तानं तेसं धम्मायतनं न निरुज्झिस्सति, नो च तेसं चक्खायतनं न निरुज्झति. अरूपे परिनिब्बन्तानं तेसं धम्मायतनञ्च न निरुज्झिस्सति चक्खायतनञ्च न निरुज्झति.

१७६. (क) यस्स घानायतनं न निरुज्झति तस्स रूपायतनं न निरुज्झिस्सतीति?

सब्बेसं उपपज्जन्तानं अघानकानं चवन्तानं तेसं घानायतनं न निरुज्झति, नो च तेसं रूपायतनं न निरुज्झिस्सति. रूपावचरे परिनिब्बन्तानं अरूपे पच्छिमभविकानं तेसं घानायतनञ्च न निरुज्झति रूपायतनञ्च न निरुज्झिस्सति.

(ख) यस्स वा पन रूपायतनं न निरुज्झिस्सति तस्स घानायतनं न निरुज्झतीति?

कामावचरे परिनिब्बन्तानं ये च अरूपं उपपज्जित्वा परिनिब्बायिस्सन्ति तेसं चवन्तानं तेसं रूपायतनं न निरुज्झिस्सति, नो च तेसं घानायतनं न निरुज्झति. रूपावचरे परिनिब्बन्तानं अरूपे पच्छिमभविकानं तेसं रूपायतनञ्च न निरुज्झिस्सति घानायतनञ्च न निरुज्झति.

यस्स घानायतनं न निरुज्झति तस्स मनायतनं…पे… धम्मायतनं न निरुज्झिस्सतीति?

सब्बेसं उपपज्जन्तानं अघानकानं चवन्तानं तेसं घानायतनं न निरुज्झति, नो च तेसं धम्मायतनं न निरुज्झिस्सति. रूपावचरे अरूपावचरे परिनिब्बन्तानं तेसं घानायतनञ्च न निरुज्झति धम्मायतनञ्च न निरुज्झिस्सति.

यस्स वा पन धम्मायतनं न निरुज्झिस्सति तस्स घानायतनं न निरुज्झतीति?

कामावचरे परिनिब्बन्तानं तेसं धम्मायतनं न निरुज्झिस्सति, नो च तेसं घानायतनं न निरुज्झति. रूपावचरे अरूपावचरे परिनिब्बन्तानं तेसं धम्मायतनञ्च न निरुज्झिस्सति घानायतनञ्च न निरुज्झति.

१७७. यस्स रूपायतनं न निरुज्झति तस्स मनायतनं…पे… धम्मायतनं न निरुज्झिस्सतीति?

सब्बेसं उपपज्जन्तानं अरूपकानं चवन्तानं तेसं रूपायतनं न निरुज्झति, नो च तेसं धम्मायतनं न निरुज्झिस्सति. अरूपे परिनिब्बन्तानं तेसं रूपायतनञ्च न निरुज्झति धम्मायतनञ्च न निरुज्झिस्सति.

यस्स वा पन धम्मायतनं न निरुज्झिस्सति तस्स रूपायतनं न निरुज्झतीति?

पञ्चवोकारे परिनिब्बन्तानं तेसं धम्मायतनं न निरुज्झिस्सति, नो च तेसं रूपायतनं न निरुज्झति. अरूपे परिनिब्बन्तानं तेसं धम्मायतनञ्च न निरुज्झिस्सति रूपायतनञ्च न निरुज्झति.

१७८. (क) यस्स मनायतनं न निरुज्झति तस्स धम्मायतनं न निरुज्झिस्सतीति? निरुज्झिस्सति.

(ख) यस्स वा पन धम्मायतनं न निरुज्झिस्सति तस्स मनायतनं न निरुज्झतीति? निरुज्झति.

(ङ) पच्चनीकओकासो

१७९. यत्थ चक्खायतनं न निरुज्झति…पे….

(च) पच्चनीकपुग्गलोकासा

१८०. (क) यस्स यत्थ चक्खायतनं न निरुज्झति तस्स तत्थ सोतायतनं न निरुज्झिस्सतीति?

पञ्चवोकारं उपपज्जन्तानं अचक्खुकानं कामावचरा चवन्तानं तेसं तत्थ चक्खायतनं न निरुज्झति, नो च तेसं तत्थ सोतायतनं न निरुज्झिस्सति. असञ्ञसत्तानं अरूपानं तेसं तत्थ चक्खायतनञ्च न निरुज्झति सोतायतनञ्च न निरुज्झिस्सति.

(ख) यस्स वा पन यत्थ सोतायतनं न निरुज्झिस्सति तस्स तत्थ चक्खायतनं न निरुज्झतीति?

पञ्चवोकारे परिनिब्बन्तानं तेसं तत्थ सोतायतनं न निरुज्झिस्सति, नो च तेसं तत्थ चक्खायतनं न निरुज्झति. असञ्ञसत्तानं अरूपानं तेसं तत्थ सोतायतनञ्च न निरुज्झिस्सति चक्खायतनञ्च न निरुज्झति.

(क) यस्स यत्थ चक्खायतनं न निरुज्झति तस्स तत्थ घानायतनं न निरुज्झिस्सतीति?

कामावचरं उपपज्जन्तानं अचक्खुकानं कामावचरा चवन्तानं तेसं तत्थ चक्खायतनं न निरुज्झति, नो च तेसं तत्थ घानायतनं न निरुज्झिस्सति. रूपावचरं उपपज्जन्तानं असञ्ञसत्तानं अरूपानं तेसं तत्थ चक्खायतनञ्च न निरुज्झति घानायतनञ्च न निरुज्झिस्सति.

(ख) यस्स वा पन यत्थ घानायतनं न निरुज्झिस्सति तस्स तत्थ चक्खायतनं न निरुज्झतीति?

कामावचरे परिनिब्बन्तानं रूपावचरा चवन्तानं तेसं तत्थ घानायतनं न निरुज्झिस्सति, नो च तेसं तत्थ चक्खायतनं न निरुज्झति. रूपावचरं उपपज्जन्तानं असञ्ञसत्तानं अरूपानं तेसं तत्थ घानायतनञ्च न निरुज्झिस्सति चक्खायतनञ्च न निरुज्झति.

(क) यस्स यत्थ चक्खायतनं न निरुज्झति तस्स तत्थ रूपायतनं न निरुज्झिस्सतीति?

पञ्चवोकारं उपपज्जन्तानं अचक्खुकानं कामावचरा चवन्तानं असञ्ञसत्तानं तेसं तत्थ चक्खायतनं न निरुज्झति, नो च तेसं तत्थ रूपायतनं न निरुज्झिस्सति. अरूपानं तेसं तत्थ चक्खायतनञ्च न निरुज्झति रूपायतनञ्च न निरुज्झिस्सति.

(ख) यस्स वा पन यत्थ रूपायतनं न निरुज्झिस्सति तस्स तत्थ चक्खायतनं न निरुज्झतीति?

पञ्चवोकारे परिनिब्बन्तानं तेसं तत्थ रूपायतनं न निरुज्झिस्सति, नो च तेसं तत्थ चक्खायतनं न निरुज्झति. अरूपानं तेसं तत्थ रूपायतनञ्च न निरुज्झिस्सति चक्खायतनञ्च न निरुज्झति.

(क) यस्स यत्थ चक्खायतनं न निरुज्झति तस्स तत्थ मनायतनं न निरुज्झिस्सतीति?

पञ्चवोकारं उपपज्जन्तानं अचक्खुकानं कामावचरा चवन्तानं अरूपानं तेसं तत्थ चक्खायतनं न निरुज्झति, नो च तेसं तत्थ मनायतनं न निरुज्झिस्सति. अरूपे परिनिब्बन्तानं असञ्ञसत्तानं तेसं तत्थ चक्खायतनञ्च न निरुज्झति मनायतनञ्च न निरुज्झिस्सति.

(ख) यस्स वा पन यत्थ मनायतनं न निरुज्झिस्सति तस्स तत्थ चक्खायतनं न निरुज्झतीति?

पञ्चवोकारे परिनिब्बन्तानं तेसं तत्थ मनायतनं न निरुज्झिस्सति, नो च तेसं तत्थ चक्खायतनं न निरुज्झति. अरूपे परिनिब्बन्तानं असञ्ञसत्तानं तेसं तत्थ मनायतनञ्च न निरुज्झिस्सति चक्खायतनञ्च न निरुज्झति.

(क) यस्स यत्थ चक्खायतनं न निरुज्झति तस्स तत्थ धम्मायतनं न निरुज्झिस्सतीति?

सब्बेसं उपपज्जन्तानं अचक्खुकानं चवन्तानं तेसं तत्थ चक्खायतनं न निरुज्झति, नो च तेसं तत्थ धम्मायतनं न निरुज्झिस्सति. अरूपे परिनिब्बन्तानं तेसं तत्थ चक्खायतनञ्च न निरुज्झति धम्मायतनञ्च न निरुज्झिस्सति.

(ख) यस्स वा पन यत्थ धम्मायतनं न निरुज्झिस्सति तस्स तत्थ चक्खायतनं न निरुज्झतीति?

पञ्चवोकारे परिनिब्बन्तानं तेसं तत्थ धम्मायतनं न निरुज्झिस्सति, नो च तेसं तत्थ चक्खायतनं न निरुज्झति. अरूपे परिनिब्बन्तानं तेसं तत्थ धम्मायतनञ्च न निरुज्झिस्सति चक्खायतनञ्च न निरुज्झति. (चक्खायतनमूलकं)

१८१. (क) यस्स यत्थ घानायतनं न निरुज्झति तस्स तत्थ रूपायतनं न निरुज्झिस्सतीति?

कामावचरं उपपज्जन्तानं अघानकानं कामावचरा चवन्तानं रूपावचरानं तेसं तत्थ घानायतनं न निरुज्झति, नो च तेसं तत्थ रूपायतनं न निरुज्झिस्सति. रूपावचरे परिनिब्बन्तानं अरूपानं तेसं तत्थ घानायतनञ्च न निरुज्झति रूपायतनञ्च न निरुज्झिस्सति.

(ख) यस्स वा पन यत्थ रूपायतनं न निरुज्झिस्सति तस्स तत्थ घानायतनं न निरुज्झतीति?

कामावचरे परिनिब्बन्तानं तेसं तत्थ रूपायतनं न निरुज्झिस्सति, नो च तेसं तत्थ घानायतनं न निरुज्झति. रूपावचरे परिनिब्बन्तानं अरूपानं तेसं तत्थ रूपायतनञ्च न निरुज्झिस्सति घानायतनञ्च न निरुज्झति.

(क) यस्स यत्थ घानायतनं न निरुज्झति तस्स तत्थ मनायतनं न निरुज्झिस्सतीति?

कामावचरं उपपज्जन्तानं अघानकानं कामावचरा चवन्तानं रूपावचरानं अरूपावचरानं तेसं तत्थ घानायतनं न निरुज्झति, नो च तेसं तत्थ मनायतनं न निरुज्झिस्सति. रूपावचरे अरूपावचरे परिनिब्बन्तानं असञ्ञसत्तानं तेसं तत्थ घानायतनञ्च न निरुज्झति मनायतनञ्च न निरुज्झिस्सति.

(ख) यस्स वा पन यत्थ मनायतनं न निरुज्झिस्सति तस्स तत्थ घानायतनं न निरुज्झतीति?

कामावचरे परिनिब्बन्तानं तेसं तत्थ मनायतनं न निरुज्झिस्सति, नो च तेसं तत्थ घानायतनं न निरुज्झति. रूपावचरे अरूपावचरे परिनिब्बन्तानं असञ्ञसत्तानं तेसं तत्थ मनायतनञ्च न निरुज्झिस्सति घानायतनञ्च न निरुज्झति.

(क) यस्स यत्थ घानायतनं न निरुज्झति तस्स तत्थ धम्मायतनं न निरुज्झिस्सतीति?

सब्बेसं उपपज्जन्तानं अघानकानं चवन्तानं तेसं तत्थ घानायतनं न निरुज्झति, नो च तेसं तत्थ धम्मायतनं न निरुज्झिस्सति. रूपावचरे अरूपावचरे परिनिब्बन्तानं तेसं तत्थ घानायतनञ्च न निरुज्झति धम्मायतनञ्च न निरुज्झिस्सति.

(ख) यस्स वा पन यत्थ धम्मायतनं न निरुज्झिस्सति तस्स तत्थ घानायतनं न निरुज्झतीति?

कामावचरे परिनिब्बन्तानं तेसं तत्थ धम्मायतनं न निरुज्झिस्सति, नो च तेसं तत्थ घानायतनं न निरुज्झति. रूपावचरे अरूपावचरे परिनिब्बन्तानं तेसं तत्थ धम्मायतनञ्च न निरुज्झिस्सति घानायतनञ्च न निरुज्झति. (घानायतनमूलकं)

१८२. (क) यस्स यत्थ रूपायतनं न निरुज्झति तस्स तत्थ मनायतनं न निरुज्झिस्सतीति?

पञ्चवोकारं उपपज्जन्तानं अरूपानं तेसं तत्थ रूपायतनं न निरुज्झति, नो च तेसं तत्थ मनायतनं न निरुज्झिस्सति. अरूपे परिनिब्बन्तानं असञ्ञसत्तं उपपज्जन्तानं तेसं तत्थ रूपायतनञ्च न निरुज्झति मनायतनञ्च न निरुज्झिस्सति.

(ख) यस्स वा पन यत्थ मनायतनं न निरुज्झिस्सति तस्स तत्थ रूपायतनं न निरुज्झतीति?

पञ्चवोकारे परिनिब्बन्तानं असञ्ञसत्ता चवन्तानं तेसं तत्थ मनायतनं न निरुज्झिस्सति, नो च तेसं तत्थ रूपायतनं न निरुज्झति. अरूपे परिनिब्बन्तानं असञ्ञसत्तं उपपज्जन्तानं तेसं तत्थ मनायतनञ्च न निरुज्झिस्सति रूपायतनञ्च न निरुज्झति.

(क) यस्स यत्थ रूपायतनं न निरुज्झति तस्स तत्थ धम्मायतनं न निरुज्झिस्सतीति?

सब्बेसं उपपज्जन्तानं अरूपकानं चवन्तानं तेसं तत्थ रूपायतनं न निरुज्झति, नो च तेसं तत्थ धम्मायतनं न निरुज्झिस्सति. अरूपे परिनिब्बन्तानं तेसं तत्थ रूपायतनञ्च न निरुज्झति धम्मायतनञ्च न निरुज्झिस्सति.

(ख) यस्स वा पन यत्थ धम्मायतनं न निरुज्झिस्सति तस्स तत्थ रूपायतनं न निरुज्झतीति?

पञ्चवोकारे परिनिब्बन्तानं तेसं तत्थ धम्मायतनं न निरुज्झिस्सति, नो च तेसं तत्थ रूपायतनं न निरुज्झति. अरूपे परिनिब्बन्तानं तेसं तत्थ धम्मायतनञ्च न निरुज्झिस्सति रूपायतनञ्च न निरुज्झति. (रूपायतनमूलकं)

१८३. (क) यस्स यत्थ मनायतनं न निरुज्झति तस्स तत्थ धम्मायतनं न निरुज्झिस्सतीति? निरुज्झिस्सति.

(ख) यस्स वा पन यत्थ धम्मायतनं न निरुज्झिस्सति तस्स तत्थ मनायतनं न निरुज्झतीति? निरुज्झति.