(३) अनागतवारो

(क) अनुलोमपुग्गलो

१३३. (क) यस्स चक्खायतनं निरुज्झिस्सति तस्स सोतायतनं निरुज्झिस्सतीति? आमन्ता.

(ख) यस्स वा पन सोतायतनं निरुज्झिस्सति तस्स चक्खायतनं निरुज्झिस्सतीति? आमन्ता.

(क) यस्स चक्खायतनं निरुज्झिस्सति तस्स घानायतनं निरुज्झिस्सतीति?

पच्छिमभविकानं रूपावचरं उपपज्जन्तानं ये च रूपावचरं उपपज्जित्वा परिनिब्बायिस्सन्ति तेसं चवन्तानं तेसं चक्खायतनं निरुज्झिस्सति, नो च तेसं घानायतनं निरुज्झिस्सति. इतरेसं तेसं चक्खायतनञ्च निरुज्झिस्सति घानायतनञ्च निरुज्झिस्सति.

(ख) यस्स वा पन घानायतनं निरुज्झिस्सति तस्स चक्खायतनं निरुज्झिस्सतीति? आमन्ता.

(क) यस्स चक्खायतनं निरुज्झिस्सति तस्स रूपायतनं निरुज्झिस्सतीति? आमन्ता.

(ख) यस्स वा पन रूपायतनं निरुज्झिस्सति तस्स चक्खायतनं निरुज्झिस्सतीति? आमन्ता.

यस्स चक्खायतनं निरुज्झिस्सति तस्स मनायतनं…पे… धम्मायतनं निरुज्झिस्सतीति? आमन्ता.

यस्स वा पन धम्मायतनं निरुज्झिस्सति तस्स चक्खायतनं निरुज्झिस्सतीति?

पच्छिमभविकानं अरूपं उपपज्जन्तानं ये च अरूपं उपपज्जित्वा परिनिब्बायिस्सन्ति तेसं चवन्तानं तेसं धम्मायतनं निरुज्झिस्सति, नो च तेसं चक्खायतनं निरुज्झिस्सति. इतरेसं तेसं धम्मायतनञ्च निरुज्झिस्सति चक्खायतनञ्च निरुज्झिस्सति. (चक्खायतनमूलकं)

१३४. (क) यस्स घानायतनं निरुज्झिस्सति तस्स रूपायतनं निरुज्झिस्सतीति? आमन्ता.

(ख) यस्स वा पन रूपायतनं निरुज्झिस्सति तस्स घानायतनं निरुज्झिस्सतीति?

पच्छिमभविकानं रूपावचरं उपपज्जन्तानं ये च रूपावचरं उपपज्जित्वा परिनिब्बायिस्सन्ति तेसं चवन्तानं तेसं रूपायतनं निरुज्झिस्सति, नो च तेसं घानायतनं निरुज्झिस्सति. इतरेसं तेसं रूपायतनञ्च निरुज्झिस्सति घानायतनञ्च निरुज्झिस्सति.

यस्स घानायतनं निरुज्झिस्सति तस्स मनायतनं…पे… धम्मायतनं निरुज्झिस्सतीति? आमन्ता.

यस्स वा पन धम्मायतनं निरुज्झिस्सति तस्स घानायतनं निरुज्झिस्सतीति?

पच्छिमभविकानं रूपावचरं अरूपावचरं उपपज्जन्तानं ये च रूपावचरं अरूपावचरं उपपज्जित्वा परिनिब्बायिस्सन्ति तेसं चवन्तानं तेसं धम्मायतनं निरुज्झिस्सति, नो च तेसं घानायतनं निरुज्झिस्सति. इतरेसं तेसं धम्मायतनञ्च निरुज्झिस्सति घानायतनञ्च निरुज्झिस्सति. (घानायतनमूलकं)

१३५. यस्स रूपायतनं निरुज्झिस्सति तस्स मनायतनं…पे… धम्मायतनं निरुज्झिस्सतीति? आमन्ता.

यस्स वा पन धम्मायतनं निरुज्झिस्सति तस्स रूपायतनं निरुज्झिस्सतीति?

पच्छिमभविकानं अरूपं उपपज्जन्तानं ये च अरूपं उपपज्जित्वा परिनिब्बायिस्सन्ति तेसं चवन्तानं तेसं धम्मायतनं निरुज्झिस्सति, नो च तेसं रूपायतनं निरुज्झिस्सति. इतरेसं तेसं धम्मायतनञ्च निरुज्झिस्सति रूपायतनञ्च निरुज्झिस्सति.

१३६. (क) यस्स मनायतनं निरुज्झिस्सति तस्स धम्मायतनं निरुज्झिस्सतीति? आमन्ता.

(ख) यस्स वा पन धम्मायतनं निरुज्झिस्सति तस्स मनायतनं निरुज्झिस्सतीति? आमन्ता.

(ख) अनुलोमओकासो

१३७. यत्थ चक्खायतनं निरुज्झिस्सति…पे….

(ग) अनुलोमपुग्गलोकासा

१३८. (क) यस्स यत्थ चक्खायतनं निरुज्झिस्सति तस्स तत्थ सोतायतनं निरुज्झिस्सतीति? आमन्ता.

(ख) यस्स वा पन यत्थ…पे…? आमन्ता.

(क) यस्स यत्थ चक्खायतनं निरुज्झिस्सति तस्स तत्थ घानायतनं निरुज्झिस्सतीति?

रूपावचरानं…पे… कामावचरानं…पे….

(ख) यस्स वा पन यत्थ…पे…? आमन्ता.

(क) यस्स यत्थ चक्खायतनं निरुज्झिस्सति तस्स तत्थ रूपायतनं निरुज्झिस्सतीति? आमन्ता.

(ख) यस्स वा पन यत्थ रूपायतनं निरुज्झिस्सति तस्स तत्थ चक्खायतनं निरुज्झिस्सतीति?

असञ्ञसत्तानं…पे… पञ्चवोकारानं…पे….

(क) यस्स यत्थ चक्खायतनं निरुज्झिस्सति तस्स तत्थ मनायतनं निरुज्झिस्सतीति? आमन्ता.

(ख) यस्स वा पन यत्थ…पे…?

अरूपानं…पे… पञ्चवोकारानं…पे….

(क) यस्स यत्थ चक्खायतनं निरुज्झिस्सति तस्स तत्थ धम्मायतनं निरुज्झिस्सतीति? आमन्ता.

(ख) यस्स वा पन यत्थ…पे…?

असञ्ञसत्तानं अरूपानं…पे… पञ्चवोकारानं…पे…. (चक्खायतनमूलकं)

१३९. (क) यस्स यत्थ घानायतनं निरुज्झिस्सति तस्स तत्थ रूपायतनं निरुज्झिस्सतीति? आमन्ता.

(ख) यस्स वा पन यत्थ…पे…?

रूपावचरानं…पे… कामावचरानं…पे….

(क) यस्स यत्थ घानायतनं निरुज्झिस्सति तस्स तत्थ मनायतनं निरुज्झिस्सतीति? आमन्ता.

(ख) यस्स वा पन यत्थ…पे…?

रूपावचरानं अरूपावचरानं…पे… कामावचरानं…पे….

(क) यस्स यत्थ घानायतनं निरुज्झिस्सति तस्स तत्थ धम्मायतनं निरुज्झिस्सतीति? आमन्ता.

(ख) यस्स वा पन यत्थ…पे…?

रूपावचरानं अरूपावचरानं…पे… कामावचरानं…पे…. (घानायतनमूलकं)

१४०. (क) यस्स यत्थ रूपायतनं निरुज्झिस्सति तस्स तत्थ मनायतनं निरुज्झिस्सतीति?

असञ्ञसत्तानं…पे… पञ्चवोकारानं…पे….

(ख) यस्स वा पन यत्थ…पे…?

अरूपानं…पे… पञ्चवोकारानं…पे….

(क) यस्स यत्थ रूपायतनं निरुज्झिस्सति तस्स तत्थ धम्मायतनं निरुज्झिस्सतीति? आमन्ता.

(ख) यस्स वा पन यत्थ…पे…?

अरूपानं…पे… पञ्चवोकारानं असञ्ञसत्तानं…पे…. (रूपायतनमूलकं)

१४१. (क) यस्स यत्थ मनायतनं…पे…? आमन्ता.

(ख) यस्स वा पन यत्थ…पे…?

असञ्ञसत्तानं…पे… चतुवोकारानं पञ्चवोकारानं तेसं तत्थ धम्मायतनञ्च निरुज्झिस्सति मनायतनञ्च निरुज्झिस्सति. (यथा उप्पादवारे यस्स यत्थके अनागता पुच्छा वित्थारिता, एवं निरोधेपि वित्थारेतब्बा).

(घ) पच्चनीकपुग्गलो

१४२. (क) यस्स चक्खायतनं न निरुज्झिस्सति तस्स सोतायतनं न निरुज्झिस्सतीति? आमन्ता.

(ख) यस्स वा पन सोतायतनं न निरुज्झिस्सति तस्स चक्खायतनं न निरुज्झिस्सतीति? आमन्ता.

(क) यस्स चक्खायतनं न निरुज्झिस्सति तस्स घानायतनं न निरुज्झिस्सतीति? आमन्ता.

(ख) यस्स वा पन घानायतनं न निरुज्झिस्सति तस्स चक्खायतनं न निरुज्झिस्सतीति?

पच्छिमभविकानं रूपावचरं उपपज्जन्तानं ये च रूपावचरं उपपज्जित्वा परिनिब्बायिस्सन्ति तेसं चवन्तानं तेसं घानायतनं न निरुज्झिस्सति, नो च तेसं चक्खायतनं न निरुज्झिस्सति. पञ्चवोकारे परिनिब्बन्तानं अरूपे पच्छिमभविकानं ये च अरूपं उपपज्जित्वा परिनिब्बायिस्सन्ति तेसं चवन्तानं तेसं घानायतनञ्च न निरुज्झिस्सति चक्खायतनञ्च न निरुज्झिस्सति.

(क) यस्स चक्खायतनं न निरुज्झिस्सति तस्स रूपायतनं न निरुज्झिस्सतीति? आमन्ता.

(ख) यस्स वा पन रूपायतनं न निरुज्झिस्सति तस्स चक्खायतनं न निरुज्झिस्सतीति? आमन्ता.

यस्स चक्खायतनं न निरुज्झिस्सति तस्स मनायतनं…पे… धम्मायतनं न निरुज्झिस्सतीति?

पच्छिमभविकानं अरूपं उपपज्जन्तानं ये च अरूपं उपपज्जित्वा परिनिब्बायिस्सन्ति तेसं चवन्तानं तेसं चक्खायतनं न निरुज्झिस्सति, नो च तेसं धम्मायतनं न निरुज्झिस्सति. परिनिब्बन्तानं तेसं चक्खायतनञ्च न निरुज्झिस्सति धम्मायतनञ्च न निरुज्झिस्सति.

यस्स वा पन धम्मायतनं न निरुज्झिस्सति तस्स चक्खायतनं न निरुज्झिस्सतीति? आमन्ता. (चक्खायतनमूलकं)

१४३. (क) यस्स घानायतनं न निरुज्झिस्सति तस्स रूपायतनं न निरुज्झिस्सतीति?

पच्छिमभविकानं रूपावचरं उपपज्जन्तानं ये च रूपावचरं उपपज्जित्वा परिनिब्बायिस्सन्ति तेसं चवन्तानं तेसं घानायतनं न निरुज्झिस्सति, नो च तेसं रूपायतनं न निरुज्झिस्सति. पञ्चवोकारे परिनिब्बन्तानं अरूपे पच्छिमभविकानं ये च अरूपं उपपज्जित्वा परिनिब्बायिस्सन्ति तेसं चवन्तानं तेसं घानायतनञ्च न निरुज्झिस्सति रूपायतनञ्च न निरुज्झिस्सति.

(ख) यस्स वा पन रूपायतनं न निरुज्झिस्सति तस्स घानायतनं न निरुज्झिस्सतीति? आमन्ता.

यस्स घानायतनं न निरुज्झिस्सति तस्स मनायतनं…पे… धम्मायतनं न निरुज्झिस्सतीति?

पच्छिमभविकानं रूपावचरं अरूपावचरं उपपज्जन्तानं ये च रूपावचरं अरूपावचरं उपपज्जित्वा परिनिब्बायिस्सन्ति तेसं चवन्तानं तेसं घानायतनं न निरुज्झिस्सति, नो च तेसं धम्मायतनं न निरुज्झिस्सति. परिनिब्बन्तानं तेसं घानायतनञ्च न निरुज्झिस्सति धम्मायतनञ्च न निरुज्झिस्सति.

यस्स वा पन धम्मायतनं न निरुज्झिस्सति तस्स घानायतनं न निरुज्झिस्सतीति? आमन्ता.

१४४. यस्स रूपायतनं न निरुज्झिस्सति तस्स मनायतनं…पे… धम्मायतनं न निरुज्झिस्सतीति?

पच्छिमभविकानं अरूपं उपपज्जन्तानं ये च अरूपं उपपज्जित्वा परिनिब्बायिस्सन्ति तेसं चवन्तानं तेसं रूपायतनं न निरुज्झिस्सति, नो च तेसं धम्मायतनं न निरुज्झिस्सति. परिनिब्बन्तानं तेसं रूपायतनञ्च न निरुज्झिस्सति धम्मायतनञ्च न निरुज्झिस्सति.

यस्स वा पन धम्मायतनं न निरुज्झिस्सति तस्स रूपायतनं न निरुज्झिस्सतीति? आमन्ता.

१४५. (क) यस्स मनायतनं न निरुज्झिस्सति तस्स धम्मायतनं न निरुज्झिस्सतीति? आमन्ता.

(ख) यस्स वा पन धम्मायतनं न निरुज्झिस्सति तस्स मनायतनं न निरुज्झिस्सतीति? आमन्ता.

(ङ) पच्चनीकओकासो

१४६. यत्थ चक्खायतनं न निरुज्झिस्सति…पे….

(च) पच्चनीकपुग्गलोकासा

१४७. (क) यस्स यत्थ चक्खायतनं न निरुज्झिस्सति तस्स तत्थ सोतायतनं न निरुज्झिस्सतीति? आमन्ता.

(ख) यस्स वा पन यत्थ सोतायतनं न निरुज्झिस्सति तस्स तत्थ चक्खायतनं न निरुज्झिस्सतीति? आमन्ता.

(क) यस्स यत्थ चक्खायतनं न निरुज्झिस्सति तस्स तत्थ घानायतनं न निरुज्झिस्सतीति? आमन्ता.

(ख) यस्स वा पन यत्थ घानायतनं न निरुज्झिस्सति तस्स तत्थ चक्खायतनं न निरुज्झिस्सतीति?

रूपावचरानं तेसं तत्थ घानायतनं न निरुज्झिस्सति, नो च तेसं तत्थ चक्खायतनं न निरुज्झिस्सति. पञ्चवोकारे परिनिब्बन्तानं असञ्ञसत्तानं अरूपानं तेसं तत्थ घानायतनञ्च न निरुज्झिस्सति चक्खायतनञ्च न निरुज्झिस्सति.

(क) यस्स यत्थ चक्खायतनं न निरुज्झिस्सति तस्स तत्थ रूपायतनं न निरुज्झिस्सतीति?

असञ्ञसत्तानं तेसं तत्थ चक्खायतनं न निरुज्झिस्सति, नो च तेसं तत्थ रूपायतनं न निरुज्झिस्सति. पञ्चवोकारे परिनिब्बन्तानं अरूपानं तेसं तत्थ चक्खायतनञ्च न निरुज्झिस्सति रूपायतनञ्च न निरुज्झिस्सति.

(ख) यस्स वा पन यत्थ रूपायतनं न निरुज्झिस्सति तस्स तत्थ चक्खायतनं न निरुज्झिस्सतीति? आमन्ता.

(क) यस्स यत्थ चक्खायतनं न निरुज्झिस्सति तस्स तत्थ मनायतनं न निरुज्झिस्सतीति?

अरूपानं तेसं तत्थ चक्खायतनं न निरुज्झिस्सति, नो च तेसं तत्थ मनायतनं न निरुज्झिस्सति. परिनिब्बन्तानं असञ्ञसत्तानं तेसं तत्थ चक्खायतनञ्च न निरुज्झिस्सति मनायतनञ्च न निरुज्झिस्सति.

(ख) यस्स वा पन यत्थ मनायतनं न निरुज्झिस्सति तस्स तत्थ चक्खायतनं न निरुज्झिस्सतीति? आमन्ता.

(क) यस्स यत्थ चक्खायतनं न निरुज्झिस्सति तस्स तत्थ धम्मायतनं न निरुज्झिस्सतीति?

असञ्ञसत्तानं अरूपानं तेसं तत्थ चक्खायतनं न निरुज्झिस्सति, नो च तेसं तत्थ धम्मायतनं न निरुज्झिस्सति. परिनिब्बन्तानं तेसं तत्थ चक्खायतनञ्च न निरुज्झिस्सति धम्मायतनञ्च न निरुज्झिस्सति.

(ख) यस्स वा पन यत्थ धम्मायतनं न निरुज्झिस्सति तस्स तत्थ चक्खायतनं न निरुज्झिस्सतीति? आमन्ता. (चक्खायतनमूलकं)

१४८. (क) यस्स यत्थ घानायतनं न निरुज्झिस्सति तस्स तत्थ रूपायतनं न निरुज्झिस्सतीति?

रूपावचरानं तेसं तत्थ घानायतनं न निरुज्झिस्सति, नो च तेसं तत्थ रूपायतनं न निरुज्झिस्सति. पञ्चवोकारे परिनिब्बन्तानं अरूपानं तेसं तत्थ घानायतनञ्च न निरुज्झिस्सति रूपायतनञ्च न निरुज्झिस्सति.

(ख) यस्स वा पन यत्थ रूपायतनं न निरुज्झिस्सति तस्स तत्थ घानायतनं न निरुज्झिस्सतीति? आमन्ता.

(क) यस्स यत्थ घानायतनं न निरुज्झिस्सति तस्स तत्थ मनायतनं न निरुज्झिस्सतीति?

रूपावचरानं अरूपावचरानं तेसं तत्थ घानायतनं न निरुज्झिस्सति, नो च तेसं तत्थ मनायतनं न निरुज्झिस्सति, परिनिब्बन्तानं असञ्ञसत्तानं तेसं तत्थ घानायतनञ्च न निरुज्झिस्सति मनायतनञ्च न निरुज्झिस्सति.

(ख) यस्स वा पन यत्थ मनायतनं न निरुज्झिस्सति तस्स तत्थ घानायतनं न निरुज्झिस्सतीति? आमन्ता.

(क) यस्स यत्थ घानायतनं न निरुज्झिस्सति तस्स तत्थ धम्मायतनं न निरुज्झिस्सतीति?

रूपावचरानं अरूपावचरानं तेसं तत्थ घानायतनं न निरुज्झिस्सति, नो च तेसं तत्थ धम्मायतनं न निरुज्झिस्सति. परिनिब्बन्तानं तेसं तत्थ घानायतनञ्च न निरुज्झिस्सति धम्मायतनञ्च न निरुज्झिस्सति.

(ख) यस्स वा पन यत्थ धम्मायतनं न निरुज्झिस्सति तस्स तत्थ घानायतनं न निरुज्झिस्सतीति?

आमन्ता. (घानायतनमूलकं)

१४९. (क) यस्स यत्थ रूपायतनं न निरुज्झिस्सति तस्स तत्थ मनायतनं न निरुज्झिस्सतीति?

अरूपानं तेसं तत्थ रूपायतनं न निरुज्झिस्सति, नो च तेसं तत्थ मनायतनं न निरुज्झिस्सति. परिनिब्बन्तानं तेसं तत्थ रूपायतनञ्च न निरुज्झिस्सति मनायतनञ्च न निरुज्झिस्सति.

(ख) यस्स वा पन यत्थ मनायतनं न निरुज्झिस्सति तस्स तत्थ रूपायतनं न निरुज्झिस्सतीति?

असञ्ञसत्तानं तेसं तत्थ मनायतनं न निरुज्झिस्सति, नो च तेसं तत्थ रूपायतनं न निरुज्झिस्सति. परिनिब्बन्तानं तेसं तत्थ मनायतनञ्च न निरुज्झिस्सति रूपायतनञ्च न निरुज्झिस्सति.

(क) यस्स यत्थ रूपायतनं न निरुज्झिस्सति तस्स तत्थ धम्मायतनं न निरुज्झिस्सतीति?

अरूपानं तेसं तत्थ रूपायतनं न निरुज्झिस्सति, नो च तेसं तत्थ धम्मायतनं न निरुज्झिस्सति. परिनिब्बन्तानं तेसं तत्थ रूपायतनञ्च न निरुज्झिस्सति धम्मायतनञ्च न निरुज्झिस्सति.

(ख) यस्स वा पन यत्थ धम्मायतनं न निरुज्झिस्सति तस्स तत्थ रूपायतनं न निरुज्झिस्सतीति? आमन्ता. (रूपायतनमूलकं)

१५०. (क) यस्स यत्थ मनायतनं न निरुज्झिस्सति तस्स तत्थ धम्मायतनं न निरुज्झिस्सतीति?

असञ्ञसत्तानं तेसं तत्थ मनायतनं न निरुज्झिस्सति, नो च तेसं तत्थ धम्मायतनं न निरुज्झिस्सति. परिनिब्बन्तानं तेसं तत्थ मनायतनञ्च न निरुज्झिस्सति धम्मायतनञ्च न निरुज्झिस्सति.

(ख) यस्स वा पन यत्थ धम्मायतनं न निरुज्झिस्सति तस्स तत्थ मनायतनं न निरुज्झिस्सतीति? आमन्ता.