२. दुकउद्देसो

८. द्वे पुग्गला –

(१) कोधनो च, उपनाही च.

(२) मक्खी च, पळासी [पलासी (स्या. क.)] च.

(३) इस्सुकी च, मच्छरी च.

(४) सठो च, मायावी च.

(५) अहिरिको च, अनोत्तप्पी च.

(६) दुब्बचो च, पापमित्तो च.

(७) इन्द्रियेसु अगुत्तद्वारो च, भोजने अमत्तञ्ञू च.

(८) मुट्ठस्सति च, असम्पजानो च.

(९) सीलविपन्नो च, दिट्ठिविपन्नो च.

(१०) अज्झत्तसंयोजनो च, बहिद्धासंयोजनो च.

(११) अक्कोधनो च, अनुपनाही च.

(१२) अमक्खी च, अपळासी च.

(१३) अनिस्सुकी च, अमच्छरी च.

(१४) असठो च, अमायावी च.

(१५) हिरिमा च, ओत्तप्पी च.

(१६) सुवचो च, कल्याणमित्तो च.

(१७) इन्द्रियेसु गुत्तद्वारो च, भोजने मत्तञ्ञू च.

(१८) उपट्ठितस्सति च, सम्पजानो च.

(१९) सीलसम्पन्नो च, दिट्ठिसम्पन्नो च.

(२०) द्वे पुग्गला दुल्लभा लोकस्मिं.

(२१) द्वे पुग्गला दुत्तप्पया.

(२२) द्वे पुग्गला सुतप्पया.

(२३) द्विन्नं पुग्गलानं आसवा वड्ढन्ति.

(२४) द्विन्नं पुग्गलानं आसवा न वड्ढन्ति.

(२५) हीनाधिमुत्तो च, पणीताधिमुत्तो च.

(२६) तित्तो च, तप्पेता च.

दुकं.