२-३-१. सहेतुकदुकादि-कुसलत्तिकं

३३. नसहेतुकं नकुसलं धम्मं पटिच्च नसहेतुको नकुसलो धम्मो उप्पज्जति हेतुपच्चया – विचिकिच्छासहगतं उद्धच्चसहगतं मोहं पटिच्च चित्तसमुट्ठानं रूपं, एकं महाभूतं पटिच्च तयो महाभूता…पे… द्वे महाभूते…पे… नसहेतुकं नकुसलं धम्मं पटिच्च नअहेतुको नकुसलो धम्मो उप्पज्जति हेतुपच्चया – विचिकिच्छासहगतं उद्धच्चसहगतं मोहं पटिच्च सम्पयुत्तका खन्धा; पटिसन्धिक्खणे वत्थुं पटिच्च सहेतुका खन्धा. नसहेतुकं नकुसलं धम्मं पटिच्च नसहेतुको नकुसलो च नअहेतुको नकुसलो च धम्मा उप्पज्जन्ति हेतुपच्चया. (३)

नअहेतुकं नकुसलं धम्मं पटिच्च नअहेतुको नकुसलो धम्मो उप्पज्जति हेतुपच्चया… तीणि.

नसहेतुकं नकुसलञ्च नअहेतुकं नकुसलञ्च धम्मं पटिच्च नसहेतुको नकुसलो धम्मो उप्पज्जति हेतुपच्चया… तीणि. (संखित्तं.)

हेतुया नव.

३४. नसहेतुकं नअकुसलं धम्मं पटिच्च नसहेतुको नअकुसलो धम्मो उप्पज्जति हेतुपच्चया… तीणि.

नअहेतुकं नअकुसलं धम्मं पटिच्च नअहेतुको नअकुसलो धम्मो उप्पज्जति हेतुपच्चया… तीणि.

नसहेतुकं नअकुसलञ्च नअहेतुकं नअकुसलञ्च धम्मं पटिच्च नसहेतुको नअकुसलो धम्मो उप्पज्जति हेतुपच्चया… तीणि. (संखित्तं.)

हेतुया नव.

३५. नसहेतुकं नअब्याकतं धम्मं पटिच्च नअहेतुको नअब्याकतो धम्मो उप्पज्जति हेतुपच्चया. (१)

नअहेतुकं नअब्याकतं धम्मं पटिच्च नअहेतुको नअब्याकतो धम्मो उप्पज्जति हेतुपच्चया. (१)

नसहेतुकं नअब्याकतञ्च नअहेतुकं नअब्याकतञ्च धम्मं पटिच्च नअहेतुको नअब्याकतो धम्मो उप्पज्जति हेतुपच्चया. (१) (संखित्तं.)

हेतुया तीणि.

(हेतुसम्पयुत्तदुकं सहेतुकदुकसदिसं.)