४-५-१. हेतुसहेतुकदुकादि-कुसलत्तिकं

३६. नहेतुञ्चेव नअहेतुकञ्च नकुसलं धम्मं पटिच्च नहेतु चेव नअहेतुको च नकुसलो धम्मो उप्पज्जति हेतुपच्चया. नहेतुञ्चेव नअहेतुकञ्च नकुसलं धम्मं पटिच्च नअहेतुको चेव नन च हेतु नकुसलो धम्मो उप्पज्जति हेतुपच्चया. नहेतुञ्चेव नअहेतुकञ्च नकुसलं धम्मं पटिच्च नहेतु चेव नअहेतुको च नकुसलो च नअहेतुको चेव नन च हेतु नकुसलो च धम्मा उप्पज्जन्ति हेतुपच्चया. (३)

नअहेतुकञ्चेव नन च हेतुं नकुसलं धम्मं पटिच्च नअहेतुको चेव नन च हेतु नकुसलो धम्मो उप्पज्जति हेतुपच्चया… तीणि.

नहेतुञ्चेव नअहेतुकञ्च नकुसलञ्च नअहेतुकञ्चेव नन च हेतुं नकुसलञ्च धम्मं पटिच्च नहेतु चेव नअहेतुको च नकुसलो धम्मो उप्पज्जति हेतुपच्चया… तीणि. (संखित्तं.)

हेतुया नव.

३७. नहेतुञ्चेव नअहेतुकञ्च नअकुसलं धम्मं पटिच्च नहेतु चेव नअहेतुको च नअकुसलो धम्मो उप्पज्जति हेतुपच्चया. (संखित्तं.)

हेतुया नव.

३८. नहेतुञ्चेव नअहेतुकञ्च नअब्याकतं धम्मं पटिच्च नहेतु चेव नअहेतुको च नअब्याकतो धम्मो उप्पज्जति हेतुपच्चया. (संखित्तं.)

हेतुया नव.

(हेतुहेतुसम्पयुत्तदुकं हेतुसहेतुकदुकसदिसं.)