८२. किलेसविप्पयुत्तसंकिलेसिकदुकं

७५. किलेसविप्पयुत्तं नसंकिलेसिकं धम्मं पटिच्च किलेसविप्पयुत्तो नसंकिलेसिको धम्मो उप्पज्जति हेतुपच्चया. किलेसविप्पयुत्तं नसंकिलेसिकं धम्मं पटिच्च किलेसविप्पयुत्तो नअसंकिलेसिको धम्मो उप्पज्जति हेतुपच्चया. किलेसविप्पयुत्तं नसंकिलेसिकं धम्मं पटिच्च किलेसविप्पयुत्तो नसंकिलेसिको च किलेसविप्पयुत्तो नअसंकिलेसिको च धम्मा उप्पज्जन्ति हेतुपच्चया. (३)

किलेसविप्पयुत्तं नअसंकिलेसिकं धम्मं पटिच्च किलेसविप्पयुत्तो नअसंकिलेसिको धम्मो उप्पज्जति हेतुपच्चया. (१)

किलेसविप्पयुत्तं नसंकिलेसिकञ्च किलेसविप्पयुत्तं नअसंकिलेसिकञ्च धम्मं पटिच्च किलेसविप्पयुत्तो नअसंकिलेसिको धम्मो उप्पज्जति हेतुपच्चया. (१) (संखित्तं.)

हेतुया पञ्च. (सब्बत्थ वित्थारो.)