धम्मपच्चनीये दुकपट्ठानं

१. हेतुदुकं

१-७. पटिच्चवारादि

पच्चयचतुक्कं

हेतुपच्चयो

१. नहेतुं धम्मं पटिच्च नहेतु धम्मो उप्पज्जति हेतुपच्चया – नहेतुं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धे पटिच्च द्वे खन्धा चित्तसमुट्ठानञ्च रूपं; पटिसन्धिक्खणे…पे… (याव महाभूता). नहेतुं धम्मं पटिच्च न नहेतु धम्मो उप्पज्जति हेतुपच्चया – नहेतू खन्धे पटिच्च हेतू; पटिसन्धिक्खणे…पे… नहेतुं धम्मं पटिच्च नहेतु च न नहेतु च धम्मा उप्पज्जन्ति हेतुपच्चया. (३)

न नहेतुं धम्मं पटिच्च न नहेतु धम्मो उप्पज्जति हेतुपच्चया. न नहेतुं धम्मं पटिच्च नहेतु धम्मो उप्पज्जति हेतुपच्चया. न नहेतुं धम्मं पटिच्च नहेतु च न नहेतु च धम्मा उप्पज्जन्ति हेतुपच्चया. (३)

नहेतुञ्च न नहेतुञ्च धम्मं पटिच्च नहेतु धम्मो उप्पज्जति हेतुपच्चया. नहेतुञ्च न नहेतुञ्च धम्मं पटिच्च न नहेतु धम्मो उप्पज्जति हेतुपच्चया. नहेतुञ्च न नहेतुञ्च धम्मं पटिच्च नहेतु च न नहेतु च धम्मा उप्पज्जन्ति हेतुपच्चया. (३) (संखित्तं.)

२. हेतुया नव, आरम्मणे नव…पे… अविगते नव.

(सहजातवारम्पि…पे… सम्पयुत्तवारम्पि पटिच्चवारसदिसं एवं वित्थारेतब्बं.)

हेतु-आरम्मणपच्चया

३. न नहेतु धम्मो न नहेतुस्स धम्मस्स हेतुपच्चयेन पच्चयो. न नहेतु धम्मो नहेतुस्स धम्मस्स हेतुपच्चयेन पच्चयो. न नहेतु धम्मो नहेतुस्स च न नहेतुस्स च धम्मस्स हेतुपच्चयेन पच्चयो. (३)

नहेतु धम्मो नहेतुस्स धम्मस्स आरम्मणपच्चयेन पच्चयो. नहेतु धम्मो न नहेतुस्स धम्मस्स आरम्मणपच्चयेन पच्चयो. नहेतु धम्मो नहेतुस्स च न नहेतुस्स च धम्मस्स आरम्मणपच्चयेन पच्चयो. (३)

न नहेतु धम्मो न नहेतुस्स धम्मस्स आरम्मणपच्चयेन पच्चयो. न नहेतु धम्मो नहेतुस्स धम्मस्स आरम्मणपच्चयेन पच्चयो. न नहेतु धम्मो नहेतुस्स च न नहेतुस्स च धम्मस्स आरम्मणपच्चयेन पच्चयो. (३)

नहेतु च न नहेतु च धम्मा नहेतुस्स धम्मस्स आरम्मणपच्चयेन पच्चयो. नहेतु च न नहेतु च धम्मा न नहेतुस्स धम्मस्स आरम्मणपच्चयेन पच्चयो. नहेतु च न नहेतु च धम्मा नहेतुस्स च न नहेतुस्स च धम्मस्स आरम्मणपच्चयेन पच्चयो. (३) (संखित्तं.)

४. हेतुया तीणि, आरम्मणे नव…पे… अविगते नव. (यथा कुसलत्तिके पञ्हावारं, एवं वित्थारेतब्बं.)

२. सहेतुकदुकं

१-७. पटिच्चवारादि

पच्चयचतुक्कं

हेतुपच्चयो

५. नसहेतुकं धम्मं पटिच्च नसहेतुको धम्मो उप्पज्जति हेतुपच्चया – विचिकिच्छासहगतं उद्धच्चसहगतं मोहं पटिच्च चित्तसमुट्ठानं रूपं, एकं महाभूतं पटिच्च तयो महाभूता…पे… द्वे महाभूते पटिच्च द्वे महाभूता, महाभूते पटिच्च चित्तसमुट्ठानं रूपं कटत्तारूपं उपादारूपं. नसहेतुकं धम्मं पटिच्च नअहेतुको धम्मो उप्पज्जति हेतुपच्चया – विचिकिच्छासहगतं उद्धच्चसहगतं मोहं पटिच्च सम्पयुत्तका खन्धा; पटिसन्धिक्खणे वत्थुं पटिच्च सहेतुका खन्धा. नसहेतुकं धम्मं पटिच्च नसहेतुको च नअहेतुको च धम्मा उप्पज्जन्ति हेतुपच्चया. (३)

नअहेतुकं धम्मं पटिच्च नअहेतुको धम्मो उप्पज्जति हेतुपच्चया… तीणि.

नसहेतुकञ्च नअहेतुकञ्च धम्मं पटिच्च नसहेतुको धम्मो उप्पज्जति हेतुपच्चया. नसहेतुकञ्च नअहेतुकञ्च धम्मं पटिच्च नअहेतुको धम्मो उप्पज्जति हेतुपच्चया. नसहेतुकञ्च नअहेतुकञ्च धम्मं पटिच्च नसहेतुको च नअहेतुको च धम्मा उप्पज्जन्ति हेतुपच्चया. (३) (संखित्तं.)

६. हेतुया नव, आरम्मणे छ…पे… अविगते नव.

(सहजातवारम्पि…पे… सम्पयुत्तवारम्पि पटिच्चवारसदिसं एवं वित्थारेतब्बं.)

हेतु-आरम्मणपच्चया

७. नसहेतुको धम्मो नसहेतुकस्स धम्मस्स हेतुपच्चयेन पच्चयो. नसहेतुको धम्मो नअहेतुकस्स धम्मस्स हेतुपच्चयेन पच्चयो. नसहेतुको धम्मो नसहेतुकस्स च नअहेतुकस्स च धम्मस्स हेतुपच्चयेन पच्चयो. (३)

नअहेतुको धम्मो नअहेतुकस्स धम्मस्स हेतुपच्चयेन पच्चयो… तीणि.

नसहेतुको धम्मो नसहेतुकस्स धम्मस्स आरम्मणपच्चयेन पच्चयो (संखित्तं.)

८. हेतुया छ, आरम्मणे नव…पे… अविगते नव.

(यथा कुसलत्तिके पञ्हावारं, एवं वित्थारेतब्बं.)

३. हेतुसम्पयुत्तदुकं

१-७. पटिच्चवारादि

९. नहेतुसम्पयुत्तं धम्मं पटिच्च नहेतुसम्पयुत्तो धम्मो उप्पज्जति हेतुपच्चया. नहेतुसम्पयुत्तं धम्मं पटिच्च नहेतुविप्पयुत्तो धम्मो उप्पज्जति हेतुपच्चया. नहेतुसम्पयुत्तं धम्मं पटिच्च नहेतुसम्पयुत्तो च नहेतुविप्पयुत्तो च धम्मा उप्पज्जन्ति हेतुपच्चया. (३)

नहेतुविप्पयुत्तं धम्मं पटिच्च नहेतुविप्पयुत्तो धम्मो उप्पज्जति हेतुपच्चया. नहेतुविप्पयुत्तं धम्मं पटिच्च नहेतुसम्पयुत्तो धम्मो उप्पज्जति हेतुपच्चया. नहेतुविप्पयुत्तं धम्मं पटिच्च नहेतुसम्पयुत्तो च नहेतुविप्पयुत्तो च धम्मा उप्पज्जन्ति हेतुपच्चया. (३)

नहेतुसम्पयुत्तञ्च नहेतुविप्पयुत्तञ्च धम्मं पटिच्च नहेतुसम्पयुत्तो धम्मो उप्पज्जति हेतुपच्चया… तीणि. (संखित्तं.)

१०. हेतुया नव, आरम्मणे छ…पे… अविगते नव. (सहजातवारेपि…पे… पञ्हावारेपि सब्बत्थ वित्थारेतब्बं.)

४. हेतुसहेतुकदुकं

१-७. पटिच्चवारादि

११. नहेतुञ्चेव नअहेतुकञ्च धम्मं पटिच्च नहेतु चेव नअहेतुको च धम्मो उप्पज्जति हेतुपच्चया. नहेतुञ्चेव नअहेतुकञ्च धम्मं पटिच्च नअहेतुको चेव न नहेतु च धम्मो उप्पज्जति हेतुपच्चया. नहेतुञ्चेव नअहेतुकञ्च धम्मं पटिच्च नहेतु चेव नअहेतुको च नअहेतुको चेव न नहेतु च धम्मा उप्पज्जन्ति हेतुपच्चया. (३)

नअहेतुकञ्चेव न नहेतुञ्च धम्मं पटिच्च नअहेतुको चेव न नहेतु च धम्मो उप्पज्जति हेतुपच्चया. नअहेतुकञ्चेव न नहेतुञ्च धम्मं पटिच्च नहेतु चेव नअहेतुको च धम्मो उप्पज्जति हेतुपच्चया. नअहेतुकञ्चेव न नहेतुञ्च धम्मं पटिच्च नहेतु चेव नअहेतुको च नअहेतुको चेव न नहेतु च धम्मा उप्पज्जन्ति हेतुपच्चया. (३)

नहेतुञ्चेव नअहेतुकञ्च नअहेतुकञ्चेव न नहेतुञ्च धम्मं पटिच्च नहेतु चेव नअहेतुको च धम्मो उप्पज्जति हेतुपच्चया… तीणि. (संखित्तं.)

हेतुया नव, आरम्मणे नव…पे… अविगते नव.

(सहजातवारेपि…पे… पञ्हावारेपि सब्बत्थ वित्थारो.)

५. हेतुहेतुसम्पयुत्तदुकं

१-७. पटिच्चवारादि

१२. नहेतुञ्चेव नहेतुविप्पयुत्तञ्च धम्मं पटिच्च नहेतु चेव नहेतुविप्पयुत्तो च धम्मो उप्पज्जति हेतुपच्चया. नहेतुञ्चेव नहेतुविप्पयुत्तञ्च धम्मं पटिच्च नहेतुविप्पयुत्तो चेव न नहेतु च धम्मो उप्पज्जति हेतुपच्चया. नहेतुञ्चेव नहेतुविप्पयुत्तञ्च धम्मं पटिच्च नहेतु चेव नहेतुविप्पयुत्तो च नहेतुविप्पयुत्तो चेव न नहेतु च धम्मा उप्पज्जन्ति हेतुपच्चया. (३)

नहेतुविप्पयुत्तञ्चेव न नहेतुञ्च धम्मं पटिच्च नहेतुविप्पयुत्तो चेव न नहेतु च धम्मो उप्पज्जति हेतुपच्चया. नहेतुविप्पयुत्तञ्चेव न नहेतुञ्च धम्मं पटिच्च नहेतु चेव नहेतुविप्पयुत्तो च धम्मो उप्पज्जति हेतुपच्चया. नहेतुविप्पयुत्तञ्चेव न नहेतुञ्च धम्मं पटिच्च नहेतु चेव नहेतुविप्पयुत्तो च नहेतुविप्पयुत्तो चेव न नहेतु च धम्मा उप्पज्जन्ति हेतुपच्चया. (३)

नहेतुञ्चेव नहेतुविप्पयुत्तञ्च नहेतुविप्पयुत्तञ्चेव न नहेतुञ्च धम्मं पटिच्च नहेतु चेव नहेतुविप्पयुत्तो च धम्मो उप्पज्जति हेतुपच्चया… तीणि. (संखित्तं.)

हेतुया नव…पे… अविगते नव. (सब्बत्थ वित्थारो.)

६. नहेतुसहेतुकदुकं

१-७. पटिच्चवारादि

१३. नहेतुं नसहेतुकं धम्मं पटिच्च नहेतु नसहेतुको धम्मो उप्पज्जति हेतुपच्चया – एकं महाभूतं पटिच्च तयो महाभूता…पे…. नहेतुं नसहेतुकं धम्मं पटिच्च नहेतु नअहेतुको धम्मो उप्पज्जति हेतुपच्चया – पटिसन्धिक्खणे वत्थुं पटिच्च नहेतुसहेतुका खन्धा. नहेतुं नसहेतुकं धम्मं पटिच्च नहेतु नसहेतुको च नहेतु नअहेतुको च धम्मा उप्पज्जन्ति हेतुपच्चया. (३)

नहेतुं नअहेतुकं धम्मं पटिच्च नहेतु नअहेतुको धम्मो उप्पज्जति हेतुपच्चया. नहेतुं नअहेतुकं धम्मं पटिच्च नहेतु नसहेतुको धम्मो उप्पज्जति हेतुपच्चया. नहेतुं नअहेतुकं धम्मं पटिच्च नहेतु नसहेतुको च नहेतु नअहेतुको च धम्मा उप्पज्जन्ति हेतुपच्चया. (३)

नहेतुं नसहेतुकञ्च नहेतुं नअहेतुकञ्च धम्मं पटिच्च नहेतु नसहेतुको धम्मो उप्पज्जति हेतुपच्चया. नहेतुं नसहेतुकञ्च नहेतुं नअहेतुकञ्च धम्मं पटिच्च नहेतु नअहेतुको धम्मो उप्पज्जति हेतुपच्चया. नहेतुं नसहेतुकञ्च नहेतुं नअहेतुकञ्च धम्मं पटिच्च नहेतु नसहेतुको च नहेतु नअहेतुको च धम्मा उप्पज्जन्ति हेतुपच्चया. (३) (संखित्तं.)

१४. हेतुया नव, आरम्मणे चत्तारि…पे… अविगते नव.

(सहजातवारम्पि…पे… सम्पयुत्तवारम्पि पटिच्चवारसदिसं.)

आरम्मणपच्चयो

१५. नहेतु नसहेतुको धम्मो नहेतुस्स नसहेतुकस्स धम्मस्स आरम्मणपच्चयेन पच्चयो. नहेतु नसहेतुको धम्मो नहेतुस्स नअहेतुकस्स धम्मस्स आरम्मणपच्चयेन पच्चयो. (२)

नहेतु नअहेतुको धम्मो नहेतुस्स नअहेतुकस्स धम्मस्स आरम्मणपच्चयेन पच्चयो. नहेतु नअहेतुको धम्मो नहेतुस्स नसहेतुकस्स धम्मस्स आरम्मणपच्चयेन पच्चयो. (२) (संखित्तं.)

१६. आरम्मणे चत्तारि…पे… अविगते सत्त.

हेतुगोच्छकं निट्ठितं.

७. सप्पच्चयदुकं

१-७. पटिच्चवारादि

१७. नअप्पच्चयं धम्मं पटिच्च नअप्पच्चयो धम्मो उप्पज्जति हेतुपच्चया.

हेतुया एकं. (सब्बत्थ वित्थारो.)

१८. नअप्पच्चयो धम्मो नअप्पच्चयस्स धम्मस्स हेतुपच्चयेन पच्चयो.

नसप्पच्चयो धम्मो नअप्पच्चयस्स धम्मस्स आरम्मणपच्चयेन पच्चयो. (संखित्तं.)

हेतुया एकं, आरम्मणे द्वे. (सब्बत्थ वित्थारो.)

८. सङ्खतदुकं

१-७. पटिच्चवारादि

१९. नअसङ्खतं धम्मं पटिच्च नअसङ्खतो धम्मो उप्पज्जति हेतुपच्चया. हेतुया एकं. (सप्पच्चयदुकसदिसं.)

९. सनिदस्सनदुकं

१-७. पटिच्चवारादि

२०. नसनिदस्सनं धम्मं पटिच्च नसनिदस्सनो धम्मो उप्पज्जति हेतुपच्चया. नसनिदस्सनं धम्मं पटिच्च नअनिदस्सनो धम्मो उप्पज्जति हेतुपच्चया. नसनिदस्सनं धम्मं पटिच्च नसनिदस्सनो च नअनिदस्सनो च धम्मा उप्पज्जन्ति हेतुपच्चया. (३) (संखित्तं.)

हेतुया तीणि.

१०. सप्पटिघदुकं

१-७. पटिच्चवारादि

२१. नसप्पटिघं धम्मं पटिच्च नसप्पटिघो धम्मो उप्पज्जति हेतुपच्चया. नसप्पटिघं धम्मं पटिच्च नअप्पटिघो धम्मो उप्पज्जति हेतुपच्चया. नसप्पटिघं धम्मं पटिच्च नसप्पटिघो च नअप्पटिघो च धम्मा उप्पज्जन्ति हेतुपच्चया. (३)

नअप्पटिघं धम्मं पटिच्च नअप्पटिघो धम्मो उप्पज्जति हेतुपच्चया… तीणि.

नसप्पटिघञ्च नअप्पटिघञ्च धम्मं पटिच्च नसप्पटिघो धम्मो उप्पज्जति हेतुपच्चया… तीणि. (संखित्तं.)

हेतुया नव, आरम्मणे एकं.

(सहजातवारम्पि…पे… सम्पयुत्तवारम्पि पटिच्चवारसदिसं.)

२२. नसप्पटिघो धम्मो नसप्पटिघस्स धम्मस्स हेतुपच्चयेन पच्चयो. नसप्पटिघो धम्मो नअप्पटिघस्स धम्मस्स हेतुपच्चयेन पच्चयो. नसप्पटिघो धम्मो नसप्पटिघस्स च नअप्पटिघस्स च धम्मस्स हेतुपच्चयेन पच्चयो. (३)

नसप्पटिघो धम्मो नसप्पटिघस्स धम्मस्स आरम्मणपच्चयेन पच्चयो. नअप्पटिघो धम्मो नसप्पटिघस्स धम्मस्स आरम्मणपच्चयेन पच्चयो. (२) (संखित्तं.)

२३. हेतुया तीणि, आरम्मणे द्वे, अधिपतिया चत्तारि…पे… अविगते नव.

११. रूपीदुकं

१-७. पटिच्चवारादि

२४. नरूपिं धम्मं पटिच्च नरूपी धम्मो उप्पज्जति हेतुपच्चया. नरूपिं धम्मं पटिच्च नअरूपी धम्मो उप्पज्जति हेतुपच्चया. नरूपिं धम्मं पटिच्च नरूपी च नअरूपी च धम्मा उप्पज्जन्ति हेतुपच्चया. (३)

नअरूपिं धम्मं पटिच्च नअरूपी धम्मो उप्पज्जति हेतुपच्चया. नअरूपिं धम्मं पटिच्च नरूपी धम्मो उप्पज्जति हेतुपच्चया. नअरूपिं धम्मं पटिच्च नरूपी च नअरूपी च धम्मा उप्पज्जन्ति हेतुपच्चया. (३)

नरूपिञ्च नअरूपिञ्च धम्मं पटिच्च नरूपी धम्मो उप्पज्जति हेतुपच्चया. नरूपिञ्च नअरूपिञ्च धम्मं पटिच्च नअरूपी धम्मो उप्पज्जति हेतुपच्चया. नरूपिञ्च नअरूपिञ्च धम्मं पटिच्च नरूपी च नअरूपी च धम्मा उप्पज्जन्ति हेतुपच्चया. (३) (संखित्तं.)

२५. हेतुया नव, आरम्मणे तीणि…पे… अविगते नव.

(सहजातवारेपि…पे… पञ्हावारेपि सब्बत्थ वित्थारो.)

१२. लोकियदुकं

१-७. पटिच्चवारादि

२६. नलोकियं धम्मं पटिच्च नलोकियो धम्मो उप्पज्जति हेतुपच्चया. नलोकियं धम्मं पटिच्च नलोकुत्तरो धम्मो उप्पज्जति हेतुपच्चया. नलोकियं धम्मं पटिच्च नलोकियो च नलोकुत्तरो च धम्मा उप्पज्जन्ति हेतुपच्चया. (३)

नलोकुत्तरं धम्मं पटिच्च नलोकुत्तरो धम्मो उप्पज्जति हेतुपच्चया.

नलोकियञ्च नलोकुत्तरञ्च धम्मं पटिच्च नलोकुत्तरो धम्मो उप्पज्जति हेतुपच्चया. (२) (संखित्तं.)

हेतुया पञ्च, आरम्मणे द्वे…पे… अविगते पञ्च. (सब्बत्थ वित्थारो.)

१३. केनचिविञ्ञेय्यदुकं

१-७. पटिच्चवारादि

२७. नकेनचि विञ्ञेय्यं धम्मं पटिच्च नकेनचि विञ्ञेय्यो धम्मो उप्पज्जति हेतुपच्चया. नकेनचि विञ्ञेय्यं धम्मं पटिच्च ननकेनचि विञ्ञेय्यो धम्मो उप्पज्जति हेतुपच्चया. नकेनचि विञ्ञेय्यं धम्मं पटिच्च नकेनचि विञ्ञेय्यो च ननकेनचि विञ्ञेय्यो च धम्मा उप्पज्जन्ति हेतुपच्चया. (३)

ननकेनचि विञ्ञेय्यं धम्मं पटिच्च ननकेनचि विञ्ञेय्यो धम्मो उप्पज्जति हेतुपच्चया… तीणि.

नकेनचि विञ्ञेय्यञ्च ननकेनचि विञ्ञेय्यञ्च धम्मं पटिच्च नकेनचि विञ्ञेय्यो धम्मो उप्पज्जति हेतुपच्चया… तीणि. (संखित्तं.)

हेतुया नव…पे… अविगते नव. (सब्बत्थ वित्थारो.)

चूळन्तरदुकं निट्ठितं.

१४. आसवदुकं

१-७. पटिच्चवारादि

२८. नोआसवं धम्मं पटिच्च नोआसवो धम्मो उप्पज्जति हेतुपच्चया. नोआसवं धम्मं पटिच्च ननोआसवो धम्मो उप्पज्जति हेतुपच्चया. नोआसवं धम्मं पटिच्च नोआसवो च ननोआसवो च धम्मा उप्पज्जन्ति हेतुपच्चया. (३)

ननोआसवं धम्मं पटिच्च ननोआसवो धम्मो उप्पज्जति हेतुपच्चया… तीणि.

नोआसवञ्च ननोआसवञ्च धम्मं पटिच्च नोआसवो धम्मो उप्पज्जति हेतुपच्चया. नोआसवञ्च ननोआसवञ्च धम्मं पटिच्च ननोआसवो धम्मो उप्पज्जति हेतुपच्चया. नोआसवञ्च ननोआसवञ्च धम्मं पटिच्च नोआसवो च ननोआसवो च धम्मा उप्पज्जन्ति हेतुपच्चया. (३) (संखित्तं.)

हेतुया नव, आरम्मणे नव…पे… अविगते नव (सब्बत्थ वित्थारो).

१५. सासवदुकं

१-७. पटिच्चवारादि

२९. नसासवं धम्मं पटिच्च नसासवो धम्मो उप्पज्जति हेतुपच्चया. नसासवं धम्मं पटिच्च नअनासवो धम्मो उप्पज्जति हेतुपच्चया. नसासवं धम्मं पटिच्च नसासवो च नअनासवो च धम्मा उप्पज्जन्ति हेतुपच्चया. (३)

नअनासवं धम्मं पटिच्च नअनासवो धम्मो उप्पज्जति हेतुपच्चया. (१)

नसासवञ्च नअनासवञ्च धम्मं पटिच्च नअनासवो धम्मो उप्पज्जति हेतुपच्चया. (१) (संखित्तं.)

हेतुया पञ्च, आरम्मणे द्वे…पे… अविगते पञ्च (सब्बत्थ वित्थारो).

१६. आसवसम्पयुत्तदुकं

१-७. पटिच्चवारादि

३०. नआसवसम्पयुत्तं धम्मं पटिच्च नआसवसम्पयुत्तो धम्मो उप्पज्जति हेतुपच्चया. नआसवसम्पयुत्तं धम्मं पटिच्च नआसवविप्पयुत्तो धम्मो उप्पज्जति हेतुपच्चया. नआसवसम्पयुत्तं धम्मं पटिच्च नआसवसम्पयुत्तो च नआसवविप्पयुत्तो च धम्मा उप्पज्जन्ति हेतुपच्चया. (३)

नआसवविप्पयुत्तं धम्मं पटिच्च नआसवविप्पयुत्तो धम्मो उप्पज्जति हेतुपच्चया. नआसवविप्पयुत्तं धम्मं पटिच्च नआसवसम्पयुत्तो धम्मो उप्पज्जति हेतुपच्चया. नआसवविप्पयुत्तं धम्मं पटिच्च नआसवसम्पयुत्तो च नआसवविप्पयुत्तो च धम्मा उप्पज्जन्ति हेतुपच्चया. (३)

नआसवसम्पयुत्तञ्च नआसवविप्पयुत्तञ्च धम्मं पटिच्च नआसवसम्पयुत्तो धम्मो उप्पज्जति हेतुपच्चया. नआसवसम्पयुत्तञ्च नआसवविप्पयुत्तञ्च धम्मं पटिच्च नआसवविप्पयुत्तो धम्मो उप्पज्जति हेतुपच्चया. नआसवसम्पयुत्तञ्च नआसवविप्पयुत्तञ्च धम्मं पटिच्च नआसवसम्पयुत्तो च नआसवविप्पयुत्तो च धम्मा उप्पज्जन्ति हेतुपच्चया. (३) (संखित्तं.)

हेतुया नव, आरम्मणे छ…पे… अविगते नव. (सब्बत्थ वित्थारो.)

१७. आसवसासवदुकं

१-७. पटिच्चवारादि

३१. नआसवञ्चेव नअनासवञ्च धम्मं पटिच्च नआसवो चेव नअनासवो च धम्मो उप्पज्जति हेतुपच्चया. नआसवञ्चेव नअनासवञ्च धम्मं पटिच्च नअनासवो चेव ननो च आसवो धम्मो उप्पज्जति हेतुपच्चया. नआसवञ्चेव नअनासवञ्च धम्मं पटिच्च नोआसवो चेव नअनासवो च नअनासवो चेव ननो च आसवो च धम्मा उप्पज्जन्ति हेतुपच्चया. (३)

नअनासवञ्चेव ननो च आसवं धम्मं पटिच्च नअनासवो चेव ननो च आसवो धम्मो उप्पज्जति हेतुपच्चया. नअनासवञ्चेव ननो च आसवं धम्मं पटिच्च नआसवो चेव नअनासवो च धम्मो उप्पज्जति हेतुपच्चया. नअनासवञ्चेव ननो च आसवं धम्मं पटिच्च नआसवो चेव नअनासवो च नअनासवो चेव ननो च आसवो च धम्मा उप्पज्जन्ति हेतुपच्चया. (३)

नआसवञ्चेव नअनासवञ्च नअनासवञ्चेव ननोआसवञ्च धम्मं पटिच्च नआसवो चेव नअनासवो च धम्मो उप्पज्जति हेतुपच्चया. नआसवञ्चेव नअनासवञ्च नअनासवञ्चेव ननो च आसवं धम्मं पटिच्च नअनासवो चेव ननो च आसवो धम्मो उप्पज्जति हेतुपच्चया. नआसवञ्चेव नअनासवञ्च नअनासवञ्चेव ननोआसवञ्च धम्मं पटिच्च नआसवो चेव नअनासवो च नअनासवो चेव ननो च आसवो च धम्मा उप्पज्जन्ति हेतुपच्चया. (३) (संखित्तं.)

हेतुया नव, आरम्मणे नव…पे… अविगते नव (सब्बत्थ वित्थारो).

१८. आसवआसवसम्पयुत्तदुकं

१-७. पटिच्चवारादि

३२. नआसवञ्चेव नआसवविप्पयुत्तञ्च धम्मं पटिच्च नआसवो चेव नआसवविप्पयुत्तो च धम्मो उप्पज्जति हेतुपच्चया. नआसवञ्चेव नआसवविप्पयुत्तञ्च धम्मं पटिच्च नआसवविप्पयुत्तो चेव ननो च आसवो धम्मो उप्पज्जति हेतुपच्चया. नआसवञ्चेव नआसवविप्पयुत्तञ्च धम्मं पटिच्च नआसवो चेव नआसवविप्पयुत्तो च नआसवविप्पयुत्तो चेव ननोआसवो च धम्मा उप्पज्जन्ति हेतुपच्चया. (३)

नआसवविप्पयुत्तञ्चेव ननोआसवञ्च धम्मं पटिच्च नआसवविप्पयुत्तो चेव ननोआसवो च धम्मो उप्पज्जति हेतुपच्चया. नआसवविप्पयुत्तञ्चेव ननोआसवञ्च धम्मं पटिच्च नआसवो चेव नआसवविप्पयुत्तो च धम्मो उप्पज्जति हेतुपच्चया. नआसवविप्पयुत्तञ्चेव ननो च आसवं धम्मं पटिच्च नआसवो चेव नआसवविप्पयुत्तो च नआसवविप्पयुत्तो चेव ननो च आसवो च धम्मा उप्पज्जन्ति हेतुपच्चया. (३)

नआसवञ्चेव नआसवविप्पयुत्तञ्च नआसवविप्पयुत्तञ्चेव ननोआसवञ्च धम्मं पटिच्च नआसवो चेव नआसवविप्पयुत्तो च धम्मो उप्पज्जति हेतुपच्चया. नआसवञ्चेव नआसवविप्पयुत्तञ्च नआसवविप्पयुत्तञ्चेव ननो च आसवञ्च धम्मं पटिच्च नआसवविप्पयुत्तो चेव ननो च आसवो धम्मो उप्पज्जति हेतुपच्चया. नआसवञ्चेव नआसवविप्पयुत्तञ्च नआसवविप्पयुत्तञ्चेव ननो च आसवञ्च धम्मं पटिच्च नआसवो चेव नआसवविप्पयुत्तो च नआसवविप्पयुत्तो चेव ननो च आसवो च धम्मा उप्पज्जन्ति हेतुपच्चया. (३) (संखित्तं.)

हेतुया नव, आरम्मणे नव…पे… अविगते नव. (सब्बत्थ वित्थारो.)

१९. आसवविप्पयुत्तसासवदुकं

१-७. पटिच्चवारादि

३३. आसवविप्पयुत्तं नसासवं धम्मं पटिच्च आसवविप्पयुत्तो नसासवो धम्मो उप्पज्जति हेतुपच्चया. आसवविप्पयुत्तं नसासवं धम्मं पटिच्च आसवविप्पयुत्तो नअनासवो धम्मो उप्पज्जति हेतुपच्चया. आसवविप्पयुत्तं नसासवं धम्मं पटिच्च आसवविप्पयुत्तो नसासवो च आसवविप्पयुत्तो नअनासवो च धम्मा उप्पज्जन्ति हेतुपच्चया. (३)

आसवविप्पयुत्तं नअनासवं धम्मं पटिच्च आसवविप्पयुत्तो नअनासवो धम्मो उप्पज्जति हेतुपच्चया. (१)

आसवविप्पयुत्तं नसासवञ्च आसवविप्पयुत्तं नअनासवञ्च धम्मं पटिच्च आसवविप्पयुत्तो नअनासवो धम्मो उप्पज्जति हेतुपच्चया. (संखित्तं.)

हेतुया पञ्च, आरम्मणे द्वे…पे… अविगते पञ्च. (सब्बत्थ वित्थारो.)

आसवगोच्छकं निट्ठितं.

२०. सञ्ञोजनदुकं

३४. नोसञ्ञोजनं धम्मं पटिच्च नोसञ्ञोजनो धम्मो उप्पज्जति हेतुपच्चया. नोसञ्ञोजनं धम्मं पटिच्च ननोसञ्ञोजनो धम्मो उप्पज्जति हेतुपच्चया. नोसञ्ञोजनं धम्मं पटिच्च नोसञ्ञोजनो च ननोसञ्ञोजनो च धम्मा उप्पज्जन्ति हेतुपच्चया. (३)

ननोसञ्ञोजनं धम्मं पटिच्च ननोसञ्ञोजनो धम्मो उप्पज्जति हेतुपच्चया. ननोसञ्ञोजनं धम्मं पटिच्च नोसञ्ञोजनो धम्मो उप्पज्जति हेतुपच्चया. ननोसञ्ञोजनं धम्मं पटिच्च नोसञ्ञोजनो च ननोसञ्ञोजनो च धम्मा उप्पज्जन्ति हेतुपच्चया. (३)

नोसञ्ञोजनञ्च ननोसञ्ञोजनञ्च धम्मं पटिच्च नोसञ्ञोजनो धम्मो उप्पज्जति हेतुपच्चया. नोसञ्ञोजनञ्च ननोसञ्ञोजनञ्च धम्मं पटिच्च ननोसञ्ञोजनो धम्मो उप्पज्जति हेतुपच्चया. नोसञ्ञोजनञ्च ननोसञ्ञोजनञ्च धम्मं पटिच्च नोसञ्ञोजनो च ननोसञ्ञोजनो च धम्मा उप्पज्जन्ति हेतुपच्चया. (३) (संखित्तं.)

हेतुया नव, आरम्मणे नव…पे… अविगते नव. (सब्बत्थ वित्थारो.)

२१. सञ्ञोजनियदुकं

३५. नसञ्ञोजनियं धम्मं पटिच्च नसञ्ञोजनियो धम्मो उप्पज्जति हेतुपच्चया. नसञ्ञोजनियं धम्मं पटिच्च नअसञ्ञोजनियो धम्मो उप्पज्जति हेतुपच्चया. नसञ्ञोजनियं धम्मं पटिच्च नसञ्ञोजनियो च नअसञ्ञोजनियो च धम्मा उप्पज्जन्ति हेतुपच्चया. (३)