५५. सारम्मणदुकं

५३. नसारम्मणं धम्मं पटिच्च नसारम्मणो धम्मो उप्पज्जति हेतुपच्चया. नसारम्मणं धम्मं पटिच्च नअनारम्मणो धम्मो उप्पज्जति हेतुपच्चया. नसारम्मणं धम्मं पटिच्च नसारम्मणो च नअनारम्मणो च धम्मा उप्पज्जन्ति हेतुपच्चया. (३)

नअनारम्मणं धम्मं पटिच्च नअनारम्मणो धम्मो उप्पज्जति हेतुपच्चया. नअनारम्मणं धम्मं पटिच्च नसारम्मणो धम्मो उप्पज्जति हेतुपच्चया. नअनारम्मणं धम्मं पटिच्च नसारम्मणो च नअनारम्मणो च धम्मा उप्पज्जन्ति हेतुपच्चया. (३)

नसारम्मणञ्च नअनारम्मणञ्च धम्मं पटिच्च नसारम्मणो धम्मो उप्पज्जति हेतुपच्चया. नसारम्मणञ्च नअनारम्मणञ्च धम्मं पटिच्च नअनारम्मणो धम्मो उप्पज्जति हेतुपच्चया. नसारम्मणञ्च नअनारम्मणञ्च धम्मं पटिच्च नसारम्मणो च नअनारम्मणो च धम्मा उप्पज्जन्ति हेतुपच्चया. (३) (संखित्तं.)

हेतुया नव…पे… अविगते नव. (सब्बत्थ वित्थारो.)