२९. गन्थगन्थनियदुकं

४३. नगन्थञ्चेव नअगन्थनियञ्च धम्मं पटिच्च नगन्थो चेव नअगन्थनियो च धम्मो उप्पज्जति हेतुपच्चया. नगन्थञ्चेव नअगन्थनियञ्च धम्मं पटिच्च नअगन्थनियो चेव ननो च गन्थो धम्मो उप्पज्जति हेतुपच्चया. नगन्थञ्चेव नअगन्थनियञ्च धम्मं पटिच्च नगन्थो चेव नअगन्थनियो च नअगन्थनियो चेव ननो च गन्थो च धम्मा उप्पज्जन्ति हेतुपच्चया. (३)

नअगन्थनियञ्चेव ननो च गन्थं धम्मं पटिच्च नअगन्थनियो चेव ननोगन्थो च धम्मो उप्पज्जति हेतुपच्चया. नअगन्थनियञ्चेव ननो च गन्थं धम्मं पटिच्च नगन्थो चेव नअगन्थनियो च धम्मो उप्पज्जति हेतुपच्चया. नअगन्थनियञ्चेव ननो च गन्थं धम्मं पटिच्च नगन्थो चेव नअगन्थनियो च नअगन्थनियो चेव ननो च गन्थो च धम्मा उप्पज्जन्ति हेतुपच्चया. (३)

नगन्थञ्चेव नअगन्थनियञ्च नअगन्थनियञ्चेव ननो च गन्थञ्च धम्मं पटिच्च नगन्थो चेव नअगन्थनियो च धम्मो उप्पज्जति हेतुपच्चया… तीणि. (संखित्तं.)

हेतुया नव…पे… अविगते नव. (सब्बत्थ वित्थारो.)