२२. सञ्ञोजनसम्पयुत्तदुकं

३६. नसञ्ञोजनसम्पयुत्तं धम्मं पटिच्च नसञ्ञोजनसम्पयुत्तो धम्मो उप्पज्जति हेतुपच्चया. नसञ्ञोजनसम्पयुत्तं धम्मं पटिच्च नसञ्ञोजनविप्पयुत्तो धम्मो उप्पज्जति हेतुपच्चया. नसञ्ञोजनसम्पयुत्तं धम्मं पटिच्च नसञ्ञोजनसम्पयुत्तो च नसञ्ञोजनविप्पयुत्तो च धम्मा उप्पज्जन्ति हेतुपच्चया. (३)

नसञ्ञोजनविप्पयुत्तं धम्मं पटिच्च नसञ्ञोजनविप्पयुत्तो धम्मो उप्पज्जति हेतुपच्चया. नसञ्ञोजनविप्पयुत्तं धम्मं पटिच्च नसञ्ञोजनसम्पयुत्तो धम्मो उप्पज्जति हेतुपच्चया. नसञ्ञोजनविप्पयुत्तं धम्मं पटिच्च नसञ्ञोजनसम्पयुत्तो च नसञ्ञोजनविप्पयुत्तो च धम्मा उप्पज्जन्ति हेतुपच्चया. (३)

नसञ्ञोजनसम्पयुत्तञ्च नसञ्ञोजनविप्पयुत्तञ्च धम्मं पटिच्च नसञ्ञोजनसम्पयुत्तो धम्मो उप्पज्जति हेतुपच्चया. नसञ्ञोजनसम्पयुत्तञ्च नसञ्ञोजनविप्पयुत्तञ्च धम्मं पटिच्च नसञ्ञोजनविप्पयुत्तो धम्मो उप्पज्जति हेतुपच्चया. नसञ्ञोजनसम्पयुत्तञ्च नसञ्ञोजनविप्पयुत्तञ्च धम्मं पटिच्च नसञ्ञोजनसम्पयुत्तो च नसञ्ञोजनविप्पयुत्तो च धम्मा उप्पज्जन्ति हेतुपच्चया. (३) (संखित्तं.)

हेतुया नव, आरम्मणे छ…पे… अविगते नव. (सब्बत्थ वित्थारो.)