११. रूपीदुकं

१-७. पटिच्चवारादि

२४. नरूपिं धम्मं पटिच्च नरूपी धम्मो उप्पज्जति हेतुपच्चया. नरूपिं धम्मं पटिच्च नअरूपी धम्मो उप्पज्जति हेतुपच्चया. नरूपिं धम्मं पटिच्च नरूपी च नअरूपी च धम्मा उप्पज्जन्ति हेतुपच्चया. (३)

नअरूपिं धम्मं पटिच्च नअरूपी धम्मो उप्पज्जति हेतुपच्चया. नअरूपिं धम्मं पटिच्च नरूपी धम्मो उप्पज्जति हेतुपच्चया. नअरूपिं धम्मं पटिच्च नरूपी च नअरूपी च धम्मा उप्पज्जन्ति हेतुपच्चया. (३)

नरूपिञ्च नअरूपिञ्च धम्मं पटिच्च नरूपी धम्मो उप्पज्जति हेतुपच्चया. नरूपिञ्च नअरूपिञ्च धम्मं पटिच्च नअरूपी धम्मो उप्पज्जति हेतुपच्चया. नरूपिञ्च नअरूपिञ्च धम्मं पटिच्च नरूपी च नअरूपी च धम्मा उप्पज्जन्ति हेतुपच्चया. (३) (संखित्तं.)

२५. हेतुया नव, आरम्मणे तीणि…पे… अविगते नव.

(सहजातवारेपि…पे… पञ्हावारेपि सब्बत्थ वित्थारो.)