२-१. सहेतुकादिदुकानि-हेतुदुकं

४८. नसहेतुकं नहेतुं धम्मं पटिच्च सहेतुको हेतु धम्मो उप्पज्जति हेतुपच्चया. नअहेतुकं नहेतुं धम्मं पटिच्च सहेतुको हेतु धम्मो उप्पज्जति हेतुपच्चया. नसहेतुकं नहेतुञ्च नअहेतुकं नहेतुञ्च धम्मं पटिच्च सहेतुको हेतु धम्मो उप्पज्जति हेतुपच्चया. हेतुया तीणि.

नसहेतुकं ननहेतुं धम्मं पटिच्च सहेतुको नहेतु धम्मो उप्पज्जति हेतुपच्चया… तीणि.

नअहेतुकं ननहेतुं धम्मं पटिच्च अहेतुको नहेतु धम्मो उप्पज्जति हेतुपच्चया… तीणि. हेतुया छ.

४९. नहेतुसम्पयुत्तं नहेतुं धम्मं पटिच्च हेतुसम्पयुत्तो हेतु धम्मो उप्पज्जति हेतुपच्चया… तीणि. (सहेतुकदुकसदिसं.)

५०. नहेतुञ्चेव नअहेतुकं नहेतुं धम्मं पटिच्च हेतु चेव सहेतुको च हेतु धम्मो उप्पज्जति हेतुपच्चया. हेतुया एकं.

नअहेतुकञ्चेव नन च हेतुं ननहेतुं धम्मं पटिच्च सहेतुको चेव न च हेतु नहेतु धम्मो उप्पज्जति हेतुपच्चया. हेतुया एकं.

५१. नहेतुञ्चेव नहेतुविप्पयुत्तञ्च नहेतुं धम्मं पटिच्च हेतु चेव हेतुसम्पयुत्तो च हेतु धम्मो उप्पज्जति हेतुपच्चया. हेतुया एकं.

नहेतुविप्पयुत्तञ्चेव ननहेतुञ्च ननहेतुं धम्मं पटिच्च हेतुसम्पयुत्तो चेव न च हेतु नहेतु धम्मो उप्पज्जति हेतुपच्चया. हेतुया एकं. (अन्तिमदुकं न लब्भति.)