७-१३-१. चूळन्तरदुकानि-हेतुदुकं

५२. नअप्पच्चयं नहेतुं धम्मं पटिच्च सप्पच्चयो हेतु धम्मो उप्पज्जति हेतुपच्चया. हेतुया एकं.

नअप्पच्चयं ननहेतुं धम्मं पटिच्च सप्पच्चयो नहेतु धम्मो उप्पज्जति हेतुपच्चया. हेतुया एकं. (सङ्खतं सप्पच्चयसदिसं.)

५३. नसनिदस्सनं नहेतुं धम्मं पटिच्च अनिदस्सनो हेतु धम्मो उप्पज्जति हेतुपच्चया. हेतुया एकं.

नसनिदस्सनं ननहेतुं धम्मं पटिच्च सनिदस्सनो नहेतु धम्मो उप्पज्जति हेतुपच्चया. हेतुया तीणि.

५४. नसप्पटिघं नहेतुं धम्मं पटिच्च अप्पटिघो हेतु धम्मो उप्पज्जति हेतुपच्चया. हेतुया एकं.

नसप्पटिघं ननहेतुं धम्मं पटिच्च सप्पटिघो नहेतु धम्मो उप्पज्जति हेतुपच्चया… हेतुया तीणि.

५५. नरूपिं नहेतुं धम्मं पटिच्च अरूपी हेतु धम्मो उप्पज्जति हेतुपच्चया… हेतुया तीणि.

नरूपिं ननहेतुं धम्मं पटिच्च अरूपी नहेतु धम्मो उप्पज्जति हेतुपच्चया… गणितकेन तीणि.

५६. नलोकियं नहेतुं धम्मं पटिच्च लोकुत्तरो हेतु धम्मो उप्पज्जति हेतुपच्चया. एकं.

नलोकुत्तरं नहेतुं धम्मं पटिच्च लोकियो हेतु धम्मो उप्पज्जति हेतुपच्चया. एकं. हेतुया द्वे.

नलोकियं ननहेतुं धम्मं पटिच्च लोकियो नहेतु धम्मो उप्पज्जति हेतुपच्चया… तीणि.

नलोकुत्तरं ननहेतुं धम्मं पटिच्च लोकियो नहेतु धम्मो उप्पज्जति हेतुपच्चया. एकं. हेतुया चत्तारि.

५७. नकेनचि विञ्ञेय्यं नहेतुं धम्मं पटिच्च केनचि विञ्ञेय्यो हेतु धम्मो उप्पज्जति हेतुपच्चया… हेतुया नव.

नकेनचि नविञ्ञेय्यं ननहेतुं धम्मं पटिच्च केनचि नविञ्ञेय्यो नहेतु धम्मो उप्पज्जति हेतुपच्चया… हेतुया नव.