१-८. हेतुदुक-सनिदस्सनदुकं

२३. हेतुं अनिदस्सनं धम्मं पटिच्च हेतु अनिदस्सनो धम्मो उप्पज्जति हेतुपच्चया… तीणि.

नहेतुं अनिदस्सनं धम्मं पटिच्च नहेतु अनिदस्सनो धम्मो उप्पज्जति हेतुपच्चया… तीणि.

हेतुं अनिदस्सनञ्च नहेतुं अनिदस्सनञ्च धम्मं पटिच्च हेतु अनिदस्सनो धम्मो उप्पज्जति हेतुपच्चया… तीणि. (संखित्तं.)

हेतुया नव…पे… अविगते नव. (संखित्तं.)

(सहजातवारम्पि…पे… पञ्हावारम्पि वित्थारेतब्बं.)