१-९. हेतुदुक-सप्पटिघदुकं

२४. नहेतुं सप्पटिघं धम्मं पटिच्च नहेतु सप्पटिघो धम्मो उप्पज्जति हेतुपच्चया. (सब्बत्थ एकं.)

२५. हेतुं अप्पटिघं धम्मं पटिच्च हेतु अप्पटिघो धम्मो उप्पज्जति हेतुपच्चया. हेतुं अप्पटिघं धम्मं पटिच्च नहेतु अप्पटिघो धम्मो उप्पज्जति हेतुपच्चया. हेतुं अप्पटिघं धम्मं पटिच्च हेतु अप्पटिघो च नहेतु अप्पटिघो च धम्मा उप्पज्जन्ति हेतुपच्चया. (३)

नहेतुं अप्पटिघं धम्मं पटिच्च नहेतु अप्पटिघो धम्मो उप्पज्जति हेतुपच्चया… तीणि.

हेतुं अप्पटिघञ्च नहेतुं अप्पटिघञ्च धम्मं पटिच्च हेतु अप्पटिघो धम्मो उप्पज्जति हेतुपच्चया… तीणि. (संखित्तं.)

हेतुया नव, आरम्मणे नव…पे… अविगते नव. (संखित्तं.)

(सहजातवारम्पि…पे… पञ्हावारम्पि वित्थारेतब्बं.)