१-४-६. कुसलत्तिक-हेतुसहेतुकादिदुकानि

६. नकुसलं नहेतुञ्चेव नअहेतुकञ्च धम्मं पटिच्च अकुसलो हेतु चेव सहेतुको च धम्मो उप्पज्जति हेतुपच्चया. नकुसलं नहेतुञ्चेव नअहेतुकञ्च धम्मं पटिच्च अब्याकतो हेतु चेव सहेतुको च धम्मो उप्पज्जति हेतुपच्चया. द्वे.

(नअकुसले द्वे, नअब्याकते द्वे. पठमं गणितकेन एकं, दुतियं गणितकेन एकं, ततियं गणितकेन एकं, सब्बत्थ नव पञ्हा.)

नकुसलं नअहेतुकञ्चेव न च हेतुं धम्मं पटिच्च अकुसलो सहेतुको चेव न च हेतु धम्मो उप्पज्जति हेतुपच्चया… हेतुया नव.

७. नकुसलं नहेतुञ्चेव नहेतुविप्पयुत्तञ्च धम्मं पटिच्च अकुसलो हेतु चेव हेतुसम्पयुत्तो च धम्मो उप्पज्जति हेतुपच्चया… हेतुया नव.

नकुसलं नहेतुविप्पयुत्तञ्चेव ननहेतुञ्च धम्मं पटिच्च अकुसलो हेतुसम्पयुत्तो चेव न च हेतु धम्मो उप्पज्जति हेतुपच्चया… हेतुया नव.

८. नकुसलं नहेतुं नसहेतुकं धम्मं पटिच्च अब्याकतो नहेतु सहेतुको धम्मो उप्पज्जति हेतुपच्चया… हेतुया तीणि.

९. नकुसलं नहेतुं नअहेतुकं धम्मं पटिच्च अकुसलो नहेतु अहेतुको धम्मो उप्पज्जति हेतुपच्चया. (१)

नअकुसलं नहेतुं नअहेतुकं धम्मं पटिच्च अब्याकतो नहेतु अहेतुको धम्मो उप्पज्जति हेतुपच्चया. (१)

नअब्याकतं नहेतुं नअहेतुकं धम्मं पटिच्च अब्याकतो नहेतु अहेतुको धम्मो उप्पज्जति हेतुपच्चया. (१) (गणितकेन तीणि पञ्हा.)… हेतुया छ.