१-७-१३. कुसलत्तिक-चूळन्तरदुकानि

१०. नकुसलो नसप्पच्चयो धम्मो कुसलस्स सप्पच्चयस्स धम्मस्स आरम्मणपच्चयेन पच्चयो… आरम्मणे छ. (सङ्खतं सप्पच्चयसदिसं.)

११. नकुसलं नसनिदस्सनं धम्मं पटिच्च अब्याकतो सनिदस्सनो धम्मो उप्पज्जति हेतुपच्चया… हेतुया छ.

नकुसलो नअनिदस्सनो धम्मो कुसलस्स अनिदस्सनस्स धम्मस्स आरम्मणपच्चयेन पच्चयो. (नव पञ्हा कातब्बा).

१२. नकुसलं नसप्पटिघं धम्मं पटिच्च अब्याकतो सप्पटिघो धम्मो उप्पज्जति हेतुपच्चया… हेतुया छ.

नकुसलं नअप्पटिघं धम्मं पटिच्च अब्याकतो अप्पटिघो धम्मो उप्पज्जति हेतुपच्चया… हेतुया तीणि.

१३. नकुसलं नरूपिं धम्मं पटिच्च अब्याकतो रूपी धम्मो उप्पज्जति हेतुपच्चया… हेतुया छ.

नकुसलं नअरूपिं धम्मं पटिच्च अब्याकतो अरूपी धम्मो उप्पज्जति हेतुपच्चया… हेतुया तीणि.

१४. नकुसलं नलोकियं धम्मं पटिच्च अब्याकतो लोकियो धम्मो उप्पज्जति हेतुपच्चया… हेतुया पञ्च.

नकुसलं नलोकुत्तरं धम्मं पच्चया कुसलो लोकुत्तरो धम्मो उप्पज्जति हेतुपच्चया. नकुसलं नलोकुत्तरं धम्मं पच्चया अब्याकतो लोकुत्तरो धम्मो उप्पज्जति हेतुपच्चया. (छ पञ्हा कातब्बा.)

१५. नकुसलं नकेनचि विञ्ञेय्यं धम्मं पटिच्च अकुसलो केनचि विञ्ञेय्यो धम्मो उप्पज्जति हेतुपच्चया… हेतुया अट्ठारस.

नकुसलं नकेनचि नविञ्ञेय्यं धम्मं पटिच्च अकुसलो केनचि विञ्ञेय्यो धम्मो उप्पज्जति हेतुपच्चया… हेतुया अट्ठारस.