१-१. कुसलत्तिक-हेतुदुकं

१. नकुसलं नहेतुं धम्मं पटिच्च अकुसलो हेतु धम्मो उप्पज्जति हेतुपच्चया. नकुसलं नहेतुं धम्मं पटिच्च अब्याकतो हेतु धम्मो उप्पज्जति हेतुपच्चया. (२)

नअकुसलं नहेतुं धम्मं पटिच्च कुसलो हेतु धम्मो उप्पज्जति हेतुपच्चया. नअकुसलं नहेतुं धम्मं पटिच्च अब्याकतो हेतु धम्मो उप्पज्जति हेतुपच्चया. (२)

नअब्याकतं नहेतुं धम्मं पटिच्च कुसलो हेतु धम्मो उप्पज्जति हेतुपच्चया. नअब्याकतं नहेतुं धम्मं पटिच्च अकुसलो हेतु धम्मो उप्पज्जति हेतुपच्चया. (२)

नकुसलं नहेतुञ्च नअब्याकतं नहेतुञ्च धम्मं पटिच्च अकुसलो हेतु धम्मो उप्पज्जति हेतुपच्चया. नअकुसलं नहेतुञ्च नअब्याकतं नहेतुञ्च धम्मं पटिच्च कुसलो हेतु धम्मो उप्पज्जति हेतुपच्चया. नकुसलं नहेतुञ्च नअकुसलं नहेतुञ्च धम्मं पटिच्च अब्याकतो हेतु धम्मो उप्पज्जति हेतुपच्चया. तीणि. (संखित्तं.) हेतुया नव.

२. नकुसलं ननहेतुं धम्मं पटिच्च अकुसलो नहेतु धम्मो उप्पज्जति हेतुपच्चया. नकुसलं ननहेतुं धम्मं पटिच्च अब्याकतो नहेतु धम्मो उप्पज्जति हेतुपच्चया. नकुसलं ननहेतुं धम्मं पटिच्च अकुसलो नहेतु च अब्याकतो नहेतु च धम्मा उप्पज्जन्ति हेतुपच्चया. तीणि.

नअकुसलं ननहेतुं धम्मं पटिच्च कुसलो नहेतु धम्मो उप्पज्जति हेतुपच्चया. नअकुसलं ननहेतुं धम्मं पटिच्च अब्याकतो नहेतु धम्मो उप्पज्जति हेतुपच्चया. नअकुसलं ननहेतुं धम्मं पटिच्च कुसलो नहेतु च अब्याकतो नहेतु च धम्मा उप्पज्जन्ति हेतुपच्चया. तीणि.

नअब्याकतं ननहेतुं धम्मं पटिच्च अब्याकतो नहेतु धम्मो उप्पज्जति हेतुपच्चया… पञ्च.

नकुसलं ननहेतुञ्च नअब्याकतं ननहेतुञ्च धम्मं पटिच्च अकुसलो नहेतु धम्मो उप्पज्जति हेतुपच्चया… तीणि.

नअकुसलं ननहेतुञ्च नअब्याकतं ननहेतुञ्च धम्मं पटिच्च कुसलो नहेतु धम्मो उप्पज्जति हेतुपच्चया… तीणि.

नकुसलं ननहेतुञ्च नअकुसलं ननहेतुञ्च धम्मं पटिच्च अब्याकतो नहेतु धम्मो उप्पज्जति हेतुपच्चया. एकं… हेतुया अट्ठारस.