१४-२२. आसवदुक-सनिदस्सनत्तिकं

९४. नआसवं नसनिदस्सनसप्पटिघं धम्मं पटिच्च नोआसवो सनिदस्सनसप्पटिघो धम्मो उप्पज्जति हेतुपच्चया. एकं.

ननोआसवं नसनिदस्सनसप्पटिघं धम्मं पटिच्च नोआसवो सनिदस्सनसप्पटिघो धम्मो उप्पज्जति हेतुपच्चया. एकं. गणितकेन तीणि.

नोआसवं नअनिदस्सनसप्पटिघं धम्मं पटिच्च… (पुरिमनयेन तीणि पञ्हा).

नोआसवं नअनिदस्सनअप्पटिघं धम्मं पटिच्च नोआसवो अनिदस्सनअप्पटिघो धम्मो उप्पज्जति हेतुपच्चया. हेतुया एकं.