१-८. हेतुदुक-दस्सनत्तिकं

६८. नहेतुं नदस्सनेन पहातब्बं धम्मं पच्चया हेतु दस्सनेन पहातब्बो धम्मो उप्पज्जति हेतुपच्चया… हेतुया तीणि.

नहेतुं नभावनाय पहातब्बं धम्मं पच्चया हेतु भावनाय पहातब्बो धम्मो उप्पज्जति हेतुपच्चया… हेतुया तीणि.

६९. नहेतुं ननेवदस्सनेन नभावनाय पहातब्बं धम्मं पटिच्च नहेतु नेवदस्सनेन नभावनाय पहातब्बो धम्मो उप्पज्जति हेतुपच्चया. ननहेतुं ननेवदस्सनेन नभावनाय पहातब्बं धम्मं पटिच्च नहेतु नेवदस्सनेन नभावनाय पहातब्बो धम्मो उप्पज्जति हेतुपच्चया. (दुकमूलं एकं संखित्तं, सब्बत्थ तीणि.)