२२-८९. सनिदस्सनत्तिक-सप्पीतिकदुकं

१३५. अनिदस्सनअप्पटिघं सप्पीतिकं धम्मं पटिच्च नअनिदस्सनअप्पटिघो नसप्पीतिको धम्मो उप्पज्जति हेतुपच्चया. अनिदस्सनअप्पटिघं सप्पीतिकं धम्मं पटिच्च नसनिदस्सनसप्पटिघो नसप्पीतिको धम्मो उप्पज्जति हेतुपच्चया…पे… अनिदस्सनअप्पटिघं सप्पीतिकं धम्मं पटिच्च नसनिदस्सनसप्पटिघो नसप्पीतिको च नअनिदस्सनसप्पटिघो नसप्पीतिको च धम्मा उप्पज्जन्ति हेतुपच्चया… हेतुया छ.

अनिदस्सनअप्पटिघं अप्पीतिकं धम्मं पटिच्च नसनिदस्सनसप्पटिघो नअप्पीतिको धम्मो उप्पज्जति हेतुपच्चया. अनिदस्सनअप्पटिघं अप्पीतिकं धम्मं पटिच्च नअनिदस्सनसप्पटिघो नअप्पीतिको धम्मो उप्पज्जति हेतुपच्चया. अनिदस्सनअप्पटिघं अप्पीतिकं धम्मं पटिच्च नसनिदस्सनसप्पटिघो नअप्पीतिको च नअनिदस्सनसप्पटिघो नअप्पीतिको च धम्मा उप्पज्जन्ति हेतुपच्चया. हेतुया तीणि.