२२-९०. सनिदस्सनत्तिक-पीतिसहगतदुकं

१३६. अनिदस्सनअप्पटिघं पीतिसहगतं धम्मं पटिच्च नअनिदस्सनअप्पटिघो नपीतिसहगतो धम्मो उप्पज्जति हेतुपच्चया. अनिदस्सनअप्पटिघं पीतिसहगतं धम्मं पटिच्च नसनिदस्सनसप्पटिघो नपीतिसहगतो धम्मो उप्पज्जति हेतुपच्चया…पे… अनिदस्सनअप्पटिघं पीतिसहगतं धम्मं पटिच्च नसनिदस्सनसप्पटिघो नपीतिसहगतो च नअनिदस्सनसप्पटिघो नपीतिसहगतो च धम्मा उप्पज्जन्ति हेतुपच्चया… हेतुया छ.

अनिदस्सनअप्पटिघं नपीतिसहगतं धम्मं पटिच्च नसनिदस्सनसप्पटिघो ननपीतिसहगतो धम्मो उप्पज्जति हेतुपच्चया… हेतुया तीणि.