२२-८८. सनिदस्सनत्तिक-सविचारदुकं

१३४. अनिदस्सनअप्पटिघं सविचारं धम्मं पटिच्च नअनिदस्सनअप्पटिघो नसविचारो धम्मो उप्पज्जति हेतुपच्चया… हेतुया छ.

अनिदस्सनअप्पटिघं अविचारं धम्मं पटिच्च नसनिदस्सनसप्पटिघो नअविचारो धम्मो उप्पज्जति हेतुपच्चया. अनिदस्सनअप्पटिघं अविचारं धम्मं पटिच्च नअनिदस्सनसप्पटिघो नअविचारो धम्मो उप्पज्जति हेतुपच्चया. अनिदस्सनअप्पटिघं अविचारं धम्मं पटिच्च नसनिदस्सनसप्पटिघो नअविचारो च नअनिदस्सनसप्पटिघो नअविचारो च धम्मा उप्पज्जन्ति हेतुपच्चया. हेतुया तीणि.