२२-८७. सनिदस्सनत्तिक-सवितक्कदुकं

१३२. अनिदस्सनअप्पटिघं सवितक्कं धम्मं पटिच्च नअनिदस्सनअप्पटिघो नसवितक्को धम्मो उप्पज्जति हेतुपच्चया. अनिदस्सनअप्पटिघं सवितक्कं धम्मं पटिच्च नसनिदस्सनसप्पटिघो नसवितक्को धम्मो उप्पज्जति हेतुपच्चया…पे… अनिदस्सनअप्पटिघं सवितक्कं धम्मं पटिच्च नसनिदस्सनसप्पटिघो नसवितक्को च नअनिदस्सनसप्पटिघो नसवितक्को च धम्मा उप्पज्जन्ति हेतुपच्चया… हेतुया छ.

१३३. अनिदस्सनअप्पटिघं अवितक्कं धम्मं पटिच्च नसनिदस्सनसप्पटिघो नअवितक्को धम्मो उप्पज्जति हेतुपच्चया. अनिदस्सनअप्पटिघं अवितक्कं धम्मं पटिच्च नअनिदस्सनसप्पटिघो नअवितक्को धम्मो उप्पज्जति हेतुपच्चया. अनिदस्सनअप्पटिघं अवितक्कं धम्मं पटिच्च नसनिदस्सनसप्पटिघो नअवितक्को च नअनिदस्सनसप्पटिघो नअवितक्को च धम्मा उप्पज्जन्ति हेतुपच्चया. हेतुया तीणि.