१-५. कुसलत्तिक-हेतुहेतुसम्पयुत्तदुकं

१३. कुसलं हेतुञ्चेव हेतुसम्पयुत्तञ्च धम्मं पटिच्च नअकुसलो नहेतु चेव नहेतुविप्पयुत्तो च धम्मो उप्पज्जति हेतुपच्चया. कुसलं हेतुञ्चेव हेतुसम्पयुत्तञ्च धम्मं पटिच्च नअब्याकतो नहेतु चेव नहेतुविप्पयुत्तो च धम्मो उप्पज्जति हेतुपच्चया. कुसलं हेतुञ्चेव हेतुसम्पयुत्तञ्च धम्मं पटिच्च नअकुसलो नहेतु चेव नहेतुविप्पयुत्तो च नअब्याकतो नहेतु चेव नहेतुविप्पयुत्तो च धम्मा उप्पज्जन्ति हेतुपच्चया. तीणि.

(अकुसलं तीणि कातब्बं, अब्याकतं तीणि कातब्बं.)

हेतुया नव.

१४. कुसलं हेतुसम्पयुत्तञ्चेव न च हेतुं धम्मं पटिच्च नअकुसलो नहेतुविप्पयुत्तो चेव ननहेतु च धम्मो उप्पज्जति हेतुपच्चया. कुसलं हेतुसम्पयुत्तञ्चेव न च हेतुं धम्मं पटिच्च नअब्याकतो नहेतुविप्पयुत्तो चेव ननहेतु च धम्मो उप्पज्जति हेतुपच्चया. कुसलं हेतुसम्पयुत्तञ्चेव न च हेतुं धम्मं पटिच्च नअकुसलो नहेतुविप्पयुत्तो चेव ननहेतु च नअब्याकतो नहेतुविप्पयुत्तो चेव ननहेतु च धम्मा उप्पज्जन्ति हेतुपच्चया. तीणि.

अकुसलं हेतुसम्पयुत्तञ्चेव न च हेतुं धम्मं पटिच्च… तीणि. अब्याकतं… तीणि. हेतुया नव.